1 Samuel 6:2 - Mbeti ti Nzapa - Tënë so amu fini

² Azo ti Filistii airi awayango-sandaga na azo ti bango nda ti aye si atene na ala: “Nyen laa e lingbi ti sara na sanduku ti mbuki ti KOTA GBIA so? Ala fa na e lege so e lingbi ti kiri na ni na ndo so lani ayeke daa.”

1 Samuel 6:2 ပူးပေါင်းရင်းမြစ်များ

Tongo nda ti aye 41:8

So ndo ahan awe, be ti Faraon agi lo mingi. Tongaso lo tokua titene a iri azo ti nganga kue ti Ezipte nga na azo ti ndara. Lo fa peko ti abango-li ti lo ni na ala, me zo oko ti fango na lo nda ni ayeke daa pepe.

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Ésaïe 2:6

*KOTA GBIA, mo ke azo ti mo, *ahale ti Jacob awe, ngbanga ti so azo ti bango nda ti aye alondo na mbage ti To aga, ala si singo na ya ti kodro ti azo ti mo. Azo ti gingo nda ti atongoro asi singo daa, tongana ti so ala yeke gbani gbani na ya ti kodro ti Filistii. Azo ti mo na awande ayeke fono oko.

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Matthieu 2:4

Lo bongbi akota wayango-sandaga na awafango-ndia ti azuife kue si lo hunda ala, lo tene: “A yeke du ande *Mesii ni na ndo wa?”

1 Samuel 5:8

Azo ti Asdod airi agbia kue ti azo ti Filistii ti bongbi na ndo ti ala si ala tene na agbia ni: “Nyen laa e lingbi ti sara na sanduku ti mbuki ti Nzapa ti Israel so?” Agbia ti Filistii akiri tënë: “Ala yo sanduku ni ague na ni na gbata ti Gat.” Tongaso, ala yo sanduku ni ague na ni na Gat.

1 Samuel 6:1

Sanduku ti *mbuki ti *KOTA GBIA asara nze mbarambara na sese ti azo ti Filistii.