1 Samuel 6:18 - Mbeti ti Nzapa - Tënë so amu fini

¹⁸ Ti aye so ala sara na lôro si akpa adeku, ala mu ni alingbi na wungo ti agbata ti agbia oku ti azo ti Filistii, agbata so a sara ngangu gbagba na tere ni nga na akete kodro so gbagba ayeke na tere ni pepe. Sese ti azo ti Filistii ague ngbii asi na kota têne so a zia sanduku ti mbuki ti KOTA GBIA na ndö ni, na yaka ti Josué, zo ti Bet-Shemesh. Têne ni angba ngbii asi laso.

1 Samuel 6:18 ပူးပေါင်းရင်းမြစ်များ

Ndia ti fani use ni 3:5

Angangu gbagba ayeke na tere ti agbata ni, agbagba ni ayo na nduzu mingi, a kanga yanga ti agbagba ni na angbongboro wen. Agbata mingi ayeke nga daa so agbagba ayeke na tere ni pepe.

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,

1 Samuel 6:4

Azo ti Filistii ahunda ala, atene: “Nyen laa e lingbi ti mu na lo ndali ti sioni ti e so?” Awayango-sandaga na azo ti bango nda ti aye akiri tënë, atene: “Ala mu lôro, ala sara na ambeni ye so akpa aka ti sanzo oku, nga na adeku oku. Ala sara ni alingbi na wungo ti agbia ti azo ti Filistii, ngbanga ti so gi oko kpale so laa awara ala na amakonzi ti ala kue.