1 Samuel 6:17 - Mbeti ti Nzapa - Tënë so amu fini

¹⁷ Baa, aye so azo ti Filistii amu lôro asara na ni si akpa sukungo ye si ala mu na KOTA GBIA ndali ti siokpari ti ala laa: Ala mu ye ni oko ndali ti gbata ti Asdod, oko ndali ti gbata ti Gaza, oko ndali ti gbata ti Askalon, oko ndali ti gbata ti Gat, oko ndali ti gbata ti Ekron.

1 Samuel 6:17 ပူးပေါင်းရင်းမြစ်များ

2 Samuel 1:20

Ala tene tënë so na azo ti Gat pepe; ala gue na atënë ni na ndö ti alege ti Askalon pepe, ngbanga ti amaseka-wali ti azo ti Filistii awara ngia daa, ngbanga ti amaseka-wali ti azo so afâ *ganza pepe adodo na ngia.

2 Samuel 21:22

Aturugu osio ti gbata ti Gat so ayeke ahale ti Harafa. David na aturugu ti lo afâ ala.

2 Agbia 1:2

Mbeni lâ, gbia Ahazia aduti na ya ti mbeni kubu ti nduzu ti yangbo ti lo so ayeke na gbata ti Samarii. Lo londo kâ, lo ti na sese na le ti fenetere si lo wara kota ka. Tongaso lo tokua azo, lo tene na ala: “Ala gue, ahunda Baal-Zebub, nzapa ti gbata ti Ekron ti hinga wala fade ka ti mbi ni ayeke mu?”

2 Mbai 26:6

Ozias ague ti tiri bira na azo ti Filistii. Lo kungbi na sese angangu gbagba ti Gat, ti Yabne na ti Asdod. Na pekoni, lo sara agbata na sese ti Asdod nga na sese ti azo ti Filistii.

Jérémie 25:20

na amara nde nde so kue ayeke lango na Ezipte; – agbia ti kodro ti Us; – agbia ti sese ti Filistii: ala ti Askalon, ti Gaza, ti Ekron na tanga ti azo ti Asdod;

Awayango-sandaga 5:7

“Tongana mbeni zo ayeke na ngangu ti ga na mama ti taba wala mama ti ngasa ndali ti siokpari ti lo pepe, lo lingbi ti ga na *akolokoto use, wala *ambipa use na KOTA GBIA. A yeke mu mbeni ndeke ni oko na *sandaga titene Nzapa azi siokpari na li ti zo ni; mbeni ndeke ni, a yeke ya lo na sandaga so a yeke gbi ni kue na wâ.

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 6:2

Ala gue, abaa gbata ti Kalne; ala londo na ndo so ala gue na Hamat, kota gbata. Na pekoni, ala zu ague na Gat, gbata ti azo ti Filistii. Nyen laa agbata so ahon akodro ti ala na ni, nyen? Sese ti azo ni akono ahon ti ala?

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

Awafango-ngbanga 1:18

Mara ti Juda ague, amu agbata ti Gaza, Askalon, Ekron na asese ti ala kue.

Awafango-ngbanga 14:19

Yingo ti KOTA GBIA aga na ndö ti Samson si lo zu na Askalon. Lo fâ akoli baleota na Askalon, lo mu abongo ti ala si lo gue, lo mu ni tongana abongo ti matanga na azo so asigigi na nda ti toli ti lo so. Ngonzo amu lo mingi si lo kiri na da ti babâ ti lo.

Awafango-ngbanga 16:1

Samson ague na gbata ti Gaza. Kâ, lo baa mbeni wali-ndumba si lo li na da ti lo.

Awafango-ngbanga 16:21

Azo ti Filistii agbu lo si akoro le ti lo. Ala gue na lo na gbata ti Gaza. Ala kanga lo na zingiri ti bengba wen, ala mu na lo kua ti nikango ale ti *ble na da ti kanga.

1 Samuel 5:1

Azo ti Filistii amu sanduku ti *mbuki ti Nzapa, ala yo ni na Eben-Ezer ti gue na ni na gbata ti Asdod.

1 Samuel 5:10

Azo ti gbata ni atokua sanduku ti mbuki ti Nzapa na gbata ti Ekron. Me gi so sanduku ni asi na Ekron awe, azo ni adekongo, atene: “A yo sanduku ti mbuki ti Nzapa ti Israel aga na ni na ndo ti e titene afâ e na azo ti e kue!”

1 Samuel 5:8

Azo ti Asdod airi agbia kue ti azo ti Filistii ti bongbi na ndo ti ala si ala tene na agbia ni: “Nyen laa e lingbi ti sara na sanduku ti mbuki ti Nzapa ti Israel so?” Agbia ti Filistii akiri tënë: “Ala yo sanduku ni ague na ni na gbata ti Gat.” Tongaso, ala yo sanduku ni ague na ni na Gat.

1 Samuel 6:4

Azo ti Filistii ahunda ala, atene: “Nyen laa e lingbi ti mu na lo ndali ti sioni ti e so?” Awayango-sandaga na azo ti bango nda ti aye akiri tënë, atene: “Ala mu lôro, ala sara na ambeni ye so akpa aka ti sanzo oku, nga na adeku oku. Ala sara ni alingbi na wungo ti agbia ti azo ti Filistii, ngbanga ti so gi oko kpale so laa awara ala na amakonzi ti ala kue.