1 Samuel 6:16 - Mbeti ti Nzapa - Tënë so amu fini

¹⁶ Gi nga na oko lango ni, agbia oku ti azo ti Filistii abaa ye ni so, ala kiri na Ekron.

1 Samuel 6:16 ပူးပေါင်းရင်းမြစ်များ

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,

Awafango-ngbanga 16:5

Agbia oku ti azo ti Filistii aga si ala tene na Dalila: “Mo handa Samson titene lo fa na mo ndo so kota ngangu ti lo alondo daa, tongaso si e lingbi ti gbu lo, e kanga lo si e hon ndö ti lo. Fade e oko oko kue, e yeke mu na mo ale ti nginza saki oko na ngbangbo oko.”

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.

1 Samuel 5:10

Azo ti gbata ni atokua sanduku ti mbuki ti Nzapa na gbata ti Ekron. Me gi so sanduku ni asi na Ekron awe, azo ni adekongo, atene: “A yo sanduku ti mbuki ti Nzapa ti Israel aga na ni na ndo ti e titene afâ e na azo ti e kue!”

1 Samuel 6:12

Amama ti bagara ni amu gi taa lege ti guengo na Bet-Shemesh; ala tambula mbage na mbage pepe. Na guengo ni ala yeke toto. Agbia ti azo ti Filistii amu peko ti ala ngbii asi na katikati ti Bet-Shemesh.

1 Samuel 6:4

Azo ti Filistii ahunda ala, atene: “Nyen laa e lingbi ti mu na lo ndali ti sioni ti e so?” Awayango-sandaga na azo ti bango nda ti aye akiri tënë, atene: “Ala mu lôro, ala sara na ambeni ye so akpa aka ti sanzo oku, nga na adeku oku. Ala sara ni alingbi na wungo ti agbia ti azo ti Filistii, ngbanga ti so gi oko kpale so laa awara ala na amakonzi ti ala kue.