1 Samuel 6:15 - Mbeti ti Nzapa - Tënë so amu fini

¹⁵ Azo ti mara ti Lévi amu sanduku ti mbuki ti KOTA GBIA nga na kete sanduku so aye ti lôro ayeke na ya ni, ala zia na ndö ti kota têne ni. Na pekoni, gi na oko lango ni, azo ti Bet-Shemesh amu sandaga so a yeke gbi ni kue na wâ na KOTA GBIA nga na sandaga ti beoko.

1 Samuel 6:15 ပူးပေါင်းရင်းမြစ်များ

Josué 15:10

Na Baala, katikati ni angoro ague na mbage ti Do, na mbage ti hoto ti Seir, amu tere ti hoto ti agbako, so ti tene Kesalon; azu na mbage ti Bet-Shemesh si ahon na Timna.

Josué 3:3

si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

1 Samuel 6:18

Ti aye so ala sara na lôro si akpa adeku, ala mu ni alingbi na wungo ti agbata ti agbia oku ti azo ti Filistii, agbata so a sara ngangu gbagba na tere ni nga na akete kodro so gbagba ayeke na tere ni pepe. Sese ti azo ti Filistii ague ngbii asi na kota têne so a zia sanduku ti mbuki ti KOTA GBIA na ndö ni, na yaka ti Josué, zo ti Bet-Shemesh. Têne ni angba ngbii asi laso.