1 Samuel 6:11 - Mbeti ti Nzapa - Tënë so amu fini

¹¹ Ala zia sanduku ti mbuki ti KOTA GBIA na ndö ti pusu ni, ala zia nga na ndö ni kete sanduku so a zia na ya ni aye so ala leke na lôro si akpa adeku nga na limo ti aka ti sanzo so.

1 Samuel 6:11 ပူးပေါင်းရင်းမြစ်များ

2 Samuel 6:3

Sanduku ni ayeke na ya ti da ti Abinadab, na li ti hoto. A zia ni na ndö ti mbeni fini pusu ti abagara ti gue na ni. Uza na Ahio, amolenge ti Abinadab laa ayeke baa ndo na ndö ti tambula ti pusu ni.

1 Mbai 13:7

Ala mu sanduku ti mbuki ni na ya ti da ti Abinadab, ala zia na ndö ti fini pusu ti abagara. Uza na Ahio laa ayeke baa ndo na ndö ti tambula ti pusu ni.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

1 Samuel 6:10

Azo ti Filistii asara gi ye so a fa na ala so. Ala mu amama ti bagara use so ayeke mu me na amolenge ti ala, ala kanga ala na tere ti pusu si ala kanga amolenge ti bagara ni na ya ti gbagba.

1 Samuel 6:12

Amama ti bagara ni amu gi taa lege ti guengo na Bet-Shemesh; ala tambula mbage na mbage pepe. Na guengo ni ala yeke toto. Agbia ti azo ti Filistii amu peko ti ala ngbii asi na katikati ti Bet-Shemesh.

1 Samuel 6:4

Azo ti Filistii ahunda ala, atene: “Nyen laa e lingbi ti mu na lo ndali ti sioni ti e so?” Awayango-sandaga na azo ti bango nda ti aye akiri tënë, atene: “Ala mu lôro, ala sara na ambeni ye so akpa aka ti sanzo oku, nga na adeku oku. Ala sara ni alingbi na wungo ti agbia ti azo ti Filistii, ngbanga ti so gi oko kpale so laa awara ala na amakonzi ti ala kue.