1 Samuel 5:6 - Mbeti ti Nzapa - Tënë so amu fini

⁶ Maboko ti KOTA GBIA asara ngangu na azo ti Asdod mingi. Lo tokua aye ti sioni na tere ti azo ti kodro ni; lo zia kobela ti sukungo ye na tere ti ala; ala na azo so alango nduru na gbata ti ala.

1 Samuel 5:6 ပူးပေါင်းရင်းမြစ်များ

Tongo nda ti aye 41:31

Ndali ti kota nzara so ayeke ga na pekoni, fade azo ayeke hinga tënë ti akobe so ayeke gbani gbani so pepe. Kota nzara ni ayeke hon ndoni.

Mbeti ti Job 31:3

Azo ayeke tene: “Ye ti vundu ayeke ndali ti azo ti kirikiri; ye ti ngangu ayeke ndali ti azo ti sarango sioni.”

Abia (Psaumes) 145:20

KOTA GBIA ayeke bata azo so kue aye lo, me lo yeke hunzi azo ti sioni kue.

Abia (Psaumes) 147:6

KOTA GBIA ayeke mu asenge zo na nduzu, lo yeke kiri azo ti sioni ngbii asi na sese.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 78:66

Lo pika awato ti lo so akpe si azia peko na lo, lo zia kamene na le ti ala biani biani.

Sigingo 9:3

fade maboko ti KOTA GBIA ayeke sara ngangu na anyama ti mo so ayeke te pere na ngonda: mbeni sioni kobela ti ngangu ayeke ti na ndö ti ambarata, alele, *azambala, abagara nga na ataba.

Awatokua 13:11

Fadeso, maboko ti Kota Gbia ayeke zu na ndö ti mo: le ti mo avuko si na ya ti mbeni ngoi, mo yeke kiri ti baa ndo pepe.” Gi hio tongaso, le ti Elimas avuko si lo yeke tatara ndo titene lo wara mbeni zo ti gbu maboko ti lo ti fa lege na lo.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

1 Samuel 5:11

Azo ti Ekron nga airi agbia kue ti azo ti Filistii ti bongbi si ala tene na ala: “Ala mu sanduku ti mbuki ti Nzapa ti Israel akiri na ni na ndo so lani ayeke daa. Tongaso si afâ e na azo ti gbata ti e kue pepe.” Biani, mbeto ti kuâ asara ala, ngbanga ti so maboko ti KOTA GBIA asara ngangu na ala mingi.

1 Samuel 5:7

So azo ti Asdod abaa ye so asi na ala so, ala tene: “Alingbi sanduku ti mbuki ti Nzapa ti Israel angba na ndo ti e pepe. Biani, maboko ti Nzapa ayeke sara ngangu na e mingi, e na Dagon, nzapa ti e.”

1 Samuel 5:9

Me gi so ala si na ni na Gat awe, maboko ti KOTA GBIA asara ngangu na azo ti gbata ni. Kota mbeto asara ala. KOTA GBIA azia kobela ti sukungo ye na tere ti ala: amolenge na akangba.