1 Samuel 5:12 - Mbeti ti Nzapa - Tënë so amu fini

¹² Azo so akui pepe so, Nzapa azia kobela ti sukungo ye na tere ti ala, ala yeke dekongo na mawa si dekongo ni ague ngbii asi na yayu.

1 Samuel 5:12 ပူးပေါင်းရင်းမြစ်များ

1 Agbia 19:17

Zo so kue ayeke kpe na maboko ti Hazael, fade Yehu ayeke fâ lo. Zo so kue ayeke kpe na maboko ti Yehu, fade Élisée ayeke fâ lo.

Sigingo 12:30

Na bi ni so, gbia Faraon alondo, lo na azo ti gbe ti lo kue nga na azo ti Ezipte kue; kota dekongo amu ya ti kodro ni kue, ngbanga ti so mbeni da oko ayeke daa pepe so kuâ akui daa pepe.

Jérémie 14:2

“Kodro ti Juda ayeke na mua, agbata ti lo ayeke ti tingo. Azo ni ayeke sara mua, ala duti na sese. Demango tere ti Jérusalem ague ngbii asi na yayu.

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 48:3

A ma dekongo ti azo na Horonaim, atene: ‘Ye kue abuba awe! So kota kpale ti bubango ndo!’

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

1 Samuel 6:1

Sanduku ti *mbuki ti *KOTA GBIA asara nze mbarambara na sese ti azo ti Filistii.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”