1 Samuel 4:3 - Mbeti ti Nzapa - Tënë so amu fini

³ Aturugu ti Israel akiri na ya ti bâbâ ti ala si *akangba atene: “Ngbanga ti nyen laa *KOTA GBIA azia lege na azo ti Filistii ti fâ e laso tongaso? E gue na Silo, e mu sanduku ti *mbuki ti KOTA GBIA, e ga na ni. Tongaso si KOTA GBIA aduti na popo ti e si lo zi e na maboko ti awato ti e.”

1 Samuel 4:3 ပူးပေါင်းရင်းမြစ်များ

2 Samuel 15:25

Gbia atene na Sadok: “Mu sanduku ti *mbuki ti Nzapa, mo kiri na ni na ya ti gbata. Tongana KOTA GBIA asara nzoni be na mbi, fade lo yeke kiri na mbi na gbata ni si mbi yeke kiri ti baa sanduku ni nga na da so a zia nde ndali ni.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

Abia (Psaumes) 74:1

Bia ti fango ye na zo. Bia ti Asaf. O Nzapa, mo ke e biani biani ngbanga ti nyen? E so mo yeke bata e tongana ataba ti mo so, mo sara ngonzo ti wâ na tere ti e ngbanga ti nyen?

Abia (Psaumes) 74:11

Ngbanga ti nyen si mo ke ti mu maboko na e so? Ngbanga ti nyen si mo kanga maboko ti mo kangango so?

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 58:3

Me ala tene na mbi, atene: ‘So mo yeke baa e pepe so, e yeke ke kobe ngbanga ti nyen? So mo hinga tënë ni pepe so, e yeke kanga nzara ti ya ti e ngbanga ti nyen?’ Tongaso, mbi kiri tënë, mbi tene: Andaa na lango so ala ke kobe, ala yeke sara akua so ala yeke baa nzoni na peko ni, ala yeke sara ngangu na azo ti kua ti ala,

Ésaïe 59:1

Ala baa atene, maboko ti *KOTA GBIA ayeke nduru ti soo ala? Mê ti lo akanga ti ma ala? Ên-en!

Ésaïe 59:2

Sioni ti ala laa akangbi popo ti ala na Nzapa ti ala; siokpari ti ala laa asara si lo bi le ti lo yongoro si lo lingbi ti ma ala pepe.

Jérémie 3:16

“Na lango ni so, tongana ala wu aga gbani gbani awe, fade azo ayeke kiri ti tene tënë ti sanduku ti *mbuki ti KOTA GBIA pepe – so tënë ti yanga ti KOTA GBIA laa – be ti zo ayeke kiri ti ti daa pepe, wala zo ayeke kiri ti dabe ti lo na ni pepe. Ala yeke girisa tënë ni; azo ayeke kiri ti leke mbeni sanduku ti mbuki nde pepe.

Jérémie 7:4

Ala zia be ti ala pepe na ndö ti atënë ti handa so atene: ‘Da ti KOTA GBIA ayeke ge! Da ti KOTA GBIA laa! Da ti KOTA GBIA laa!’

Wungo ti azo 10:33

Azo ti Israel alondo na hoto ti KOTA GBIA ti hon si ala tambula na ya ti lango ota. Na ya ti lango ota so kue, sanduku ti *mbuki ti KOTA GBIA ayeke hon na dawa ti ala ti gi ndo so ala lingbi ti wu tere ti ala daa.

Wungo ti azo 10:35

Na ndembe so sanduku ti mbuki ni ayeke hon, Moïse ayeke tene: “KOTA GBIA, londo! Tongaso si awato ti mo ayeke kangbi kirikiri si azo so ake mo ayeke kpe na dawa ti mo!”

Wungo ti azo 31:6

Moïse atokua azo saki oko na ya ti mara oko oko na bira, ala na wayango-sandaga Pinas, molenge ti Elazar. Pinas amu aye ti sarango na kua ti da ti KOTA GBIA nga na atatalita titene ahuru si aturugu adekongo ti bira.

Ndia ti fani use ni 29:24

Fade a yeke kiri tënë: “Ye ni asi, ngbanga ti so azo ni abuba lege ti *mbuki so KOTA GBIA, Nzapa ti akotara ti ala asara na ala na ndembe so KOTA GBIA asara si ala sigigi na sese ti Ezipte.

Ndia ti fani use ni 31:26

“Ala mu buku ti Ndia so, ala zia ni na tere ti sanduku ti mbuki ti KOTA GBIA Nzapa ti ala. Buku ni ayeke ngba na ndo so tongana mbeni ye so ayeke fa asioni ti azo ti Israel na le ti ala.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

Josué 4:7

Fade ala kiri tënë na ala, atene: ‘Ya ti ngu ti Jourdain akangbi use na ndembe so sanduku ti mbuki ti KOTA GBIA ayeke hon lani na ya ni. Na ndembe so sanduku ti mbuki ni ayeke hon na ya ti ngu ni, ya ti ngu ni akangbi use. Atêne so ayeke ga ande ye ti dango be ndali ti azo ti Israel kpu na kpu.’ ”

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”

Josué 7:7

Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!

Josué 7:8

Mbi gbu gere ti mo, Kota Gbia! Ti fadeso, mbi yeke tene nyen, so azo ti Israel akpe na le ti awato ti ala awe so?

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.

1 Samuel 1:24

Na pekoni so Anne azi molenge ni na me awe, lo gue na lo na da ti KOTA GBIA na Silo. Lo mu nga na tere ti lo koli-bagara ti ngu ota, kota sembe ti farini oko, na vin so lo zia na ya ti bozo ti poro ti nyama. Andaa na ndembe ni so, Samuel ade kete molenge.

1 Samuel 14:18

Saul atene na Ahia: “Mu sanduku ti *mbuki ti Nzapa, mo ga na ni.” Biani, na lango ni so sanduku ti mbuki ti Nzapa ni ayeke na ya ti bâbâ ti azo ti Israel.

1 Samuel 4:2

Azo ti Filistii aleke tere ti ala na molongo ti tiri bira na azo ti Israel; bira ni akporo ngangu. Azo ti Filistii akinda azo ti Israel; ala fâ ala nduru na saki osio na ndo so ala sara bira daa so.