1 Samuel 4:21 - Mbeti ti Nzapa - Tënë so amu fini

²¹ Lo di iri ti molenge ni Ikabod si lo tene: “Gonda ti Nzapa ayeke mbeni pepe na kodro ti Israel.” Lo di iri ti molenge ni Ikabod, ngbanga ti so a mu sanduku ti mbuki ti Nzapa ahon na ni, a fâ kogara ti lo nga na koli ti lo.

1 Samuel 4:21 ပူးပေါင်းရင်းမြစ်များ

Abia (Psaumes) 106:20

Ala zia Nzapa, lo so lo yeke gonda ti ala ti voro limo ti bagara so ayeke te gi pere.

Abia (Psaumes) 26:8

KOTA GBIA, mbi ye kota da ti mo so mo yeke duti na ya ni; mbi ye ndo ti mo so gonda ti mo ayeke na ya ni.

Abia (Psaumes) 78:61

Sanduku ti mbuki ti lo so afa gonda ti lo nga na ngangu ti lo, lo zia ni na maboko ti awato si ala gue na ni na ndo ti ala.

Abia (Psaumes) 78:64

A fâ awayango-sandaga na yanga ti bira, awali-mua atoto kuâ pepe.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Abia ti demango tere 2:1

Azo-oo, azo! *KOTA GBIA asara ngonzo si lo tokua vukongo ndo na ndö ti gbata ti *Sion. Ye so ayeke sara gonda ti azo ti Israel so, KOTA GBIA abi ni si alondo na yayu kâ ati na sese. Sion ayeke mbata ti gere ti KOTA GBIA; na lango so ngonzo ti lo alondo na tere ti Sion, be ti lo agirisa na mbata ti gere ti lo ni.

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

1 Samuel 14:3

Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 2:34

“Ye so ayeke fa na mo atene, tënë so mbi tene na mo ayeke taa-tënë ayeke so: Hofni na Pinas, amolenge ti mo use kue ayeke kui gi na ya ti lango oko.

1 Samuel 3:12

Na lango ni so, fade mbi yeke sara aye so kue alingbi na tënë so lani mbi tene na tere ti Heli na azo ti sewa ti lo; mbi yeke sara aye ni na tongo nda ni ngbii asi na nda ni.

1 Samuel 4:11

Ala mu nga sanduku ti mbuki ti Nzapa. Amolenge ti Heli use, Hofni na Pinas akui.

1 Samuel 4:22

Wali ni atene: gonda ahunzi na kodro ti Israel awe, ngbanga ti so a mu sanduku ti mbuki ti Nzapa ahon na ni.