1 Samuel 4:16 - Mbeti ti Nzapa - Tënë so amu fini

¹⁶ Koli ni atene na Heli: “Mbi londo na yanga ti bira si mbi ga so. Gi laso laa mbi kpe na yanga ti bira ni si mbi ga so.” Heli ahunda lo, atene: “Molenge ti mbi, nyen laa asi kâ, nyen?”

1 Samuel 4:16 ပူးပေါင်းရင်းမြစ်များ

2 Samuel 1:4

David ahunda lo, atene: “Ye ni kâ tongana nyen? Tene na mbi peko ni si.” Koli ni akiri tënë: “Bira aza wâ si azo ti Israel akpe kirikiri. Azo akui mingi; Saul na molenge ti lo Jonatan kue akui.”

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

1 Samuel 3:6

KOTA GBIA akiri airi Samuel ti fani use ni, atene: “Samuel.” Samuel alondo ague na tere ti Heli si atene na lo: “Mbi laa; mo iri mbi?” Heli akiri tënë, atene: “Molenge ti mbi, mbi iri mo pepe; kiri, mo gue, mo lango.”

1 Samuel 4:17

Zo ti tokua ni akiri tënë: “Azo ti Israel akpe na dawa ti azo ti Filistii; azo mingi akui. Amolenge ti mo use Hofni na Pinas akui. A mu nga sanduku ti mbuki ti Nzapa ahon na ni.”