1 Samuel 4:13 - Mbeti ti Nzapa - Tënë so amu fini

¹³ Na ndembe so lo si, andaa Heli ayeke duti na ndö ti mbata ti lo na yanga ti lege; lo yeke ku, le ti lo angba gi na lege, be ti lo ayeke do ndali ti sanduku ti *mbuki ti Nzapa. Koli so aga si atene peko ti aye so asi na ya ti bira na ya ti gbata ni. So azo ti gbata ni ama tënë ni, ala kue ato nda ti dekongo.

1 Samuel 4:13 ပူးပေါင်းရင်းမြစ်များ

Abia (Psaumes) 26:8

KOTA GBIA, mbi ye kota da ti mo so mo yeke duti na ya ni; mbi ye ndo ti mo so gonda ti mo ayeke na ya ni.

Jérémie 48:19

Mo, zo ti gbata ti Aroer, luti na tere ti lege, mo *bembe ndo. Hunda na azo so ayeke kpe nga na azo so ayeke gi lege ti soo kuâ so, mo tene: “Nyen laa asi, nyen?”

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

1 Samuel 1:9

So ala te si ala nyon na Silo awe, Anne alondo ague na yanga ti da ti Nzapa. Wayango-sandaga Heli ayeke duti na ndö ti mbata ti lo na yanga ti da ti KOTA GBIA.

1 Samuel 4:14

Heli ama dekongo ni si lo hunda ndo, lo tene: “Nda ti dekongo so ayeke nyen?” Koli so aga hio si atene peko ti tënë ni na Heli.

1 Samuel 4:18

Gi so lo zi yanga na ndö ti tënë ti sanduku ti mbuki ti Nzapa awe, Heli alondo na ndö ti mbata ti lo, lo ti na mbage ti peko, na tere ti yanga ti da ti Nzapa. Bio ti go ti lo akungbi si lo kui. Andaa Heli aga mbakoro, lo ne mingi. Lo fâ ngbanga ti azo ti Israel na ya ti ngu baleosio.