1 Samuel 4:10 - Mbeti ti Nzapa - Tënë so amu fini

¹⁰ Azo ti Filistii alondo na bira; ala kinda azo ti Israel. Aturugu ti Israel kue akpe, zo oko oko agi lege ti da ti lo. Azo ti Israel ati sioni sioni na gbe ti azo ti Filistii; azo ti Filistii afâ aturugu ti Israel saki baleota.

1 Samuel 4:10 ပူးပေါင်းရင်းမြစ်များ

2 Samuel 18:17

A mu kuâ ti Absalom abi na ya ti mbeni kota du na ya ti gbako kâ; a zia gba ti atêne na ndö ni. Azo ti Israel kue akpe kirikiri, zo oko oko akiri na da ti lo.

2 Samuel 18:7

Kâ, aturugu ti Absalom ati na gbe ti aturugu ti David. Na lango ni so, aturugu ti Absalom akui ahon ndoni: aturugu saki baleuse akui.

2 Samuel 19:8

Londo, mo sigigi, mo tene mbeni tënë ti zia ngia na be ti aturugu ti mo si. Na iri ti *KOTA GBIA! Tongana mo sigigi pepe, zo oko ayeke ngba na bi so na tere ti mo pepe. Fade kpale ti mo ayeke kiri ti hon akpale so asi na mo, ngbene ye so mo yeke maseka ngbii asi laso.”

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

1 Agbia 22:36

So lâ akui awe, mbeni dekongo alondo na ya ti bâbâ ni, atene: “Zo oko oko akiri na gbata ti lo! Zo oko oko akiri na ndo ti lo!”

2 Agbia 14:12

Aturugu ti Israel akinda aturugu ti Juda si turugu oko oko ti Juda akpe ague na da ti lo.

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

2 Mbai 25:22

Aturugu ti Israel akinda aturugu ti Juda si turugu oko oko ti Juda akpe ague na da ti lo.

Abia (Psaumes) 78:9

Ando, azo ti mara ti Efraim amu akokora na ale ti kokora ti tiri bira, me na ngoi ti bira ni, ala kpe,

Jérémie 7:12

“Ala gue na Silo, ala baa; ndo so a zia nde ndali ti mbi ayeke ando kâ, ndo so mbi sara titene iri ti mbi aduti daa laa. Ndali ti sioni sarango ye ti azo ti Israel so ayeke azo ti mbi, mbi buba ndo ni kue awe.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Ndia ti fani use ni 28:15

Moïse atene: Me tongana ala ma yanga ti *KOTA GBIA Nzapa ti ala pepe, tongana ala sara kue ti sara ye alingbi na atënë ti ndia nga na andia ti lo so mbi yeke fa na ala laso pepe, baa asioni kpale so ayeke ga na ndö ti ala si ayeke ngba na ala ayeke so:

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

1 Samuel 3:11

KOTA GBIA atene na Samuel: “Baa, mbi yeke bi mbeni kota kpale na sese ti Israel. Azo so kue ayeke ma tënë ni, fade ayeke toto na mê ti ala tongana sungbango ti bekpa.

1 Samuel 4:2

Azo ti Filistii aleke tere ti ala na molongo ti tiri bira na azo ti Israel; bira ni akporo ngangu. Azo ti Filistii akinda azo ti Israel; ala fâ ala nduru na saki osio na ndo so ala sara bira daa so.