1 Samuel 31:6 - Mbeti ti Nzapa - Tënë so amu fini

⁶ Tongaso, Saul na amolenge ti lo ota, na zo ti yongo aye ti bira ti lo nga na azo ti lo kue, ala kui legeoko gi na lango ni so.

1 Samuel 31:6 ပူးပေါင်းရင်းမြစ်များ

2 Samuel 1:1

Na peko ti kuâ ti Saul, David akiri na gbata ti Siklag na peko ti so lo gue, lo so benda na ndö ti azo ti Amalek. Lo sara lango use na Siklag.

2 Samuel 1:12

Ala sara mua, ala toto, ala ke kobe ngbii asi na lakui ndali ti kuâ ti Saul, ti Jonatan na ti azo ti Israel so kue ayeke azo ti *KOTA GBIA so akui na ya ti bira so.

1 Mbai 10:6

Tongaso, Saul na amolenge ti lo ota, nga na azo ti da ti lo kue akui; ala kui legeoko.

Awafango-ngbanga 9:54

Abimelek airi zo ti yongo aye ti bira ti lo hio, lo tene na lo: “Sigigi na yongoro zeme ti mo, mo fâ mbi, tongaso si azo ahe mbi pepe, atene: wali laa afâ lo!” Nilaa maseka-koli ni amu zeme ti lo, ayoro na ya ti Abimelek si Abimelek akui.

1 Samuel 11:15

Azo ni kue ague na Gilgal. Kâ, ala zia Saul gbia na dawa ti KOTA GBIA. Na pekoni, ala mu *sandaga ti beoko na KOTA GBIA. Saul na azo ti Israel kue asara ngia mingi.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.

1 Samuel 28:19

Fade KOTA GBIA ayeke zia mo nga na aturugu ti Israel kue na maboko ti azo ti Filistii. Kekereke, mo na amolenge ti mo ayeke ga ti wara mbi ge na ndo ti akuâ. KOTA GBIA ayeke zia nga aturugu ti Israel na maboko ti azo ti Filistii.”

1 Samuel 31:5

So zo so ayo aye ti bira ti lo abaa so Saul akui awe, lo nga lo ti na yanga ti yongoro zeme ti lo si lo kui legeoko na lo.

1 Samuel 31:7

So azo ti Israel so ayeke lango na mbage ti popo-hoto na ala so ayeke lango na mbage ti ngu ti Jourdain abaa so, azo ti Israel ayeke kpe si Saul na amolenge ti lo akui awe, ala do agbata ti ala azia si ala kpe. Azo ti Filistii aga si ala duti daa.