1 Samuel 31:13 - Mbeti ti Nzapa - Tënë so amu fini

¹³ Ala mu abio ti akuâ ti ala si ala lu ni na gbe ti keke ti tamaris na Yabesh; ala ke kobe na ya ti lango mbarambara.

1 Samuel 31:13 ပူးပေါင်းရင်းမြစ်များ

Tongo nda ti aye 35:8

Debora, wali so ayeke bata Rébecca akui; a lu lo na Betel, na mbage ti gbeni, na gbe ti keke ti shene so a iri ni “Keke ti shene ti toto.”

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

2 Samuel 1:12

Ala sara mua, ala toto, ala ke kobe ngbii asi na lakui ndali ti kuâ ti Saul, ti Jonatan na ti azo ti Israel so kue ayeke azo ti *KOTA GBIA so akui na ya ti bira so.

2 Samuel 11:26

So Batsheba, wali ti Urii ama a tene, koli ti lo akui awe, lo sara mua ti lo.

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.

1 Samuel 22:6

Saul ama a tene, azo ahinga ndo so David na azo ti lo ayeke daa. Saul ayeke na Gibea, lo yeke duti na gbe ti keke ti tamaris so ayeke na ndö ti mbeni kete hoto. Likongo ti lo ayeke na maboko ti lo si azo ti kua ti lo kue aluti na tere ti lo.