1 Samuel 31:1 - Mbeti ti Nzapa - Tënë so amu fini

¹ Azo ti Filistii ayeke tiri bira na azo ti Israel. Azo ti Israel akpe na dawa ti azo ti Filistii si a fâ ala mingi na hoto ti Gilboa.

1 Samuel 31:1 ပူးပေါင်းရင်းမြစ်များ

2 Samuel 1:21

Ahoto ti Gilboa, ayeke nzoni ngu ti pere na ngu-Nzapa atuku na ndö ti ala pepe! Ayeke nzoni sese ti ala akiri adu akobe pepe! Biani, na ndo so laa a bi buba na tere ti akpengba zo ti bira; na ndo so laa akpaka mafuta pepe na tere ti *vala ti Saul.

2 Samuel 1:6

Maseka-koli ni atene: “Mbi yeke luti na li ti hoto ti Gilboa; mbi ye ti baa, mbi baa Saul aba na ndö ti likongo ti lo. Apusu ti mbarata na azo ti kpengo na ambarata aga nduru nduru na lo.

2 Samuel 4:4

Andaa Jonatan, molenge ti Saul ayeke lani na mbeni molenge-koli so gere ti lo use kue abuba. Molenge ni ayeke na ngu oku na ndembe so ambeni zo alondo na Yizreel aga atene tënë ti kuâ ti Saul na ti Jonatan. Wali so ayeke bata molenge ni ayo lo ti kpe na lo. Na ya ti gbugburungo tere, molenge ni ati si gere ti lo abuba. Iri ti molenge ni ayeke Mefibaal.

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”

1 Samuel 28:1

Na ngoi ni so, azo ti Filistii abongbi aturugu ti ala titene ala gue, atiri bira na azo ti Israel. Akish atene na David: “Ayeke nzoni mo hinga, mo tene, fade mo na azo ti mo, e na ala kue, e yeke gue ti tiri bira.”

1 Samuel 28:15

Samuel atene na Saul: “Mbi lango ti mbi awe! Mo so li ti mbi ti iri mbi ngbanga ti nyen?” Saul atene: “Be ti mbi afun kue. Azo ti Filistii ayeke tiri bira na mbi si Nzapa azia mbi awe. Lo ke ti kiri tënë na mbi na lege ti awayanga-Nzapa, wala na lege ti bango-li. Nilaa mbi iri mo titene mo fa na mbi ye so mbi lingbi ti sara.”

1 Samuel 28:19

Fade KOTA GBIA ayeke zia mo nga na aturugu ti Israel kue na maboko ti azo ti Filistii. Kekereke, mo na amolenge ti mo ayeke ga ti wara mbi ge na ndo ti akuâ. KOTA GBIA ayeke zia nga aturugu ti Israel na maboko ti azo ti Filistii.”

1 Samuel 28:4

Azo ti Filistii abongbi aturugu ti ala si ala gue, asara bâbâ ti ala na gbata ti Shunem. Saul abongbi aturugu ti Israel kue si ala sara ti ala bâbâ ni na Gilboa.

1 Samuel 29:1

Azo ti Filistii abongbi aturugu ti ala kue na Afek. Azo ti Israel asara bâbâ ti ala nduru na li ti ngu so ayeke na Yizreel.