1 Samuel 30:6 - Mbeti ti Nzapa - Tënë so amu fini

⁶ Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.

1 Samuel 30:6 ပူးပေါင်းရင်းမြစ်များ

Tongo nda ti aye 32:7

Azo ti tokua ni akiri na mbage ti Jacob si ala tene: “E gue, e si na ndo ti ita ti mo Ezau. Lo nga lo yeke ga ti wara mo, lo na akoli ngbangbo osio na tere ti lo.”

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

2 Agbia 4:27

So wali ni asi na li ti hoto na tere ti zo ti Nzapa awe, lo gbu gere ti zo ti Nzapa. Gehazi aga nduru na lo ti pusu lo; me zo ti Nzapa atene: “Zia lo! Baa, vundu ahon ndö ti lo mingi, mbi hinga nda ni pepe. *KOTA GBIA ade ti fa na mbi nda ni pepe.”

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Abia (Psaumes) 116:10

Ataa so mbi yeke tene ando, mbi tene: “Mawa ti mbi ahon ndoni”, mbi ngba ti zia be ti mbi na ndö ti mo.

Abia (Psaumes) 138:3

Na lango so mbi iri mo, mo yeda na mbi, mo mu ngangu na be ti mbi, mo kiri ngangu na ya ti tere ti mbi.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Abia (Psaumes) 25:17

Mbeto agbu be ti mbi mingi; zi mbi na ya ti aye ti ngangu so mbi yeke daa.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 31:24

Ala so kue ayeke azo ti KOTA GBIA, ala ye lo! KOTA GBIA ayeke bata azo so ama na be na lo. Me ti azo ti baba, lo yeke kiri na ala peko ti baba ti ala ni.

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

Abia (Psaumes) 42:5

Na vundu na be, mbi dabe ti mbi na ngoi so mbi yeke na li ti molongo ti azo so ayeke gue na kota da ti Nzapa. Mbi yeke tambula na popo ti gba ti azo so ayeke he bia na ngia, ala yeke dekongo na Nzapa ti gonda lo.

Abia (Psaumes) 42:7

Nzapa ti mbi, mbi yeke na vundu. Na ndo so kue mbi yeke daa, ataa mbi yeke kâ na sese ti Jourdain, ataa mbi yeke na li ti ahoto ti Hermon, ataa mbi yeke na tere ti hoto ti Misar, mbi yeke dabe ti mbi na mo.

Abia (Psaumes) 56:11

Mbi yeke gonda Nzapa ndali ti tënë ti lo; mbi yeke gonda KOTA GBIA ndali ti tënë ti lo;

Abia (Psaumes) 62:1

Bia so ayeke ndali ti makonzi-bia; a leke ni na kode ti Yedutun. Bia ti David.

Abia (Psaumes) 62:5

Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

Abia (Psaumes) 71:4

Nzapa ti mbi, zi mbi na maboko ti zo ti sioni, zi mbi na maboko ti azo ti kirikiri nga na maboko ti azo ti sarango ngangu na azo.

Abia (Psaumes) 71:5

Kota Gbia NZAPA, na ndembe so mbi de molenge ngbii asi laso, mbi zia be ti mbi ti ku mo, mbi zia be ti mbi na ndö ti mo.

Sigingo 17:4

Moïse adema tere ti lo na KOTA GBIA: “Nyen laa mbi lingbi ti sara ndali ti azo so? Angba gi kete titene ala bo mbi na têne!”

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jonas 2:2

Na ya ti susu ni, Jonas asambela KOTA GBIA Nzapa ti lo,

Wungo ti azo 14:10

Bongbi ti azo ti Israel kue atene tënë ti bongo ala na têne. Hio tongaso, azo ni abaa gonda ti KOTA GBIA na ndö ti da ti bongo so KOTA GBIA na azo ti lo ayeke wara tere daa.

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 27:22

Pilate ahunda ala, atene: “Fade mbi yeke sara nyen na Jésus so a iri lo Mesii so?” Ala kue akiri tënë, atene: “A fâ lo na ndö ti keke ti kroa!”

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Rome 4:18

Abraham azia be ti lo kue ti ku, ataa so mbeni ye titene lo zia be ti lo ti ku ni ayeke daa pepe. Lo ma na be si lo ga “Kotara ti gba ti amara.” Ye ni asi alingbi na tënë so Mbeti ti Nzapa atene: “Fade ahale ti mo ayeke ga mingi mingi tongaso.”

Rome 4:20

Me lo zia be ti lo na ndö ti zendo ti Nzapa, lo dekite pepe; lo kpengba na lege ti mabe si lo gonda Nzapa.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

2 Korente 1:6

Tongana e yeke baa pasi, so ayeke sara si be ti ala ade si ala soo kuâ. Tongana be ti e ade, so ayeke sara si be ti ala ade si ala kanga be ti ala na ya ti amara ti pasi so e nga, e yeke baa so.

2 Korente 4:8

Aye ti ngangu apete e mbage na mbage, me anika e pepe; alege kue akanga na e, me e hon;

2 Korente 7:5

Biani, na ngoi so e si na Masedoane, e wara lege ti wu tere ti e pepe, me e baa amara ti pasi kue: azo atiri na e, mbeto ayeke na ya ti e.

Ahebro 13:6

Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”

Awafango-ngbanga 18:25

Azo ti Dan akiri tënë na lo: “Mo ngba ti so mê ti e na atënë ti mo so pepe! Tongana mo ngba daa, ambeni zo ti ngonzo na popo ti e ayeke londo fafadeso ti tuku na ndö ti ala si mo na asewa ti mo kue ayeke kui.”

Awafango-ngbanga 20:22

Azo ti Israel ni ague, atoto na dawa ti KOTA GBIA ngbii asi na lakui. Ala hunda KOTA GBIA, atene: “E kiri e gue, e sara bira na azo ti Benjamin, a-ita ti e?” KOTA GBIA akiri tënë na ala: “Ala gue, atiri bira senge!” Tongaso, be ti ala akiri awara ngangu si ala leke tere ti ala na oko ndo so ala duti daa na kozo lango ni so ti sara bira.

1 Samuel 1:10

Vundu ahon ndö ti Anne, lo yeke toto mingi si lo yeke sambela KOTA GBIA.

1 Samuel 23:16

Mbeni lâ, Jonatan, molenge ti Saul alondo, ague, awara David na Horsha; lo mu wango ti kpengba be ti David na iri ti Nzapa.

1 Samuel 28:15

Samuel atene na Saul: “Mbi lango ti mbi awe! Mo so li ti mbi ti iri mbi ngbanga ti nyen?” Saul atene: “Be ti mbi afun kue. Azo ti Filistii ayeke tiri bira na mbi si Nzapa azia mbi awe. Lo ke ti kiri tënë na mbi na lege ti awayanga-Nzapa, wala na lege ti bango-li. Nilaa mbi iri mo titene mo fa na mbi ye so mbi lingbi ti sara.”