1 Samuel 30:4 - Mbeti ti Nzapa - Tënë so amu fini

⁴ David na amba ti lo ati na kota toto; ala toto ngbii ala woko kue, ala yeke na ngangu ti kiri ti toto pepe.

1 Samuel 30:4 ပူးပေါင်းရင်းမြစ်များ

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Wungo ti azo 14:1

Bongbi ti azo ti Israel kue ato nda ti dekongo si azo atoto na bi ni kue.

Wungo ti azo 14:39

Moïse atene peko ti atënë so kue na azo ti Israel; ala sara kota mawa.

Awafango-ngbanga 2:4

So ange ti KOTA GBIA atene tënë so na azo ti Israel kue awe, azo ni kue ati na toto.

Awafango-ngbanga 21:2

Azo ti kodro ni kue akiri ague na Betel, ala duti kâ na dawa ti *KOTA GBIA ngbii asi na lakui. Ala dekongo si ala toto mingi.

1 Samuel 11:4

Awatokua ague, asi na Gibea, gbata ti Saul. Ala tene na azo ni peko ti tënë ti aye so asi. Azo ni kue ati na kota toto.

1 Samuel 30:3

Tongana David na azo ti lo asi na gbata ni, ala baa so azo agbi gbata ni; ala mu awali ti azo ni, amolenge ti ala ti koli na ti wali ahon na ala.

1 Samuel 4:13

Na ndembe so lo si, andaa Heli ayeke duti na ndö ti mbata ti lo na yanga ti lege; lo yeke ku, le ti lo angba gi na lege, be ti lo ayeke do ndali ti sanduku ti *mbuki ti Nzapa. Koli so aga si atene peko ti aye so asi na ya ti bira na ya ti gbata ni. So azo ti gbata ni ama tënë ni, ala kue ato nda ti dekongo.