1 Samuel 30:31 - Mbeti ti Nzapa - Tënë so amu fini

³¹ ala ti Hebron nga na ando so kue David na aturugu ti lo azia gere ti ala daa.

1 Samuel 30:31 ပူးပေါင်းရင်းမြစ်များ

2 Samuel 15:10

Kâ, Absalom atokua azo ti lo na hondengo ni na amara ti Israel kue ti tene na ala, atene: “Tongana ala ma toto ti tatalita, ala tene: Absalom aga gbia na Hebron awe.”

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 2:4

Azo ti Juda aga na Hebron si ala tuku mafuta na li ti David titene lo ga gbia ti Juda. Mbeni zo aga atene na David: “Azo ti Yabesh so ayeke na sese ti Galaad laa alu lani Saul.”

2 Samuel 4:1

So Ishebaal, molenge ti Saul ama a tene, Abner akui na Hebron awe, ngangu ti lo ahunzi kue si kota mbeto agbu azo ti Israel kue.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Josué 15:13

Ti Kaleb, molenge ti Yefune, a mu na lo mbeni mbage ti sese ti azo ti Juda, alingbi na yanga so *KOTA GBIA amu na Josué. A mu na lo Kiriat-Arba, wala gbata ti Arba, so a iri ni nga Hebron. Arba ayeke kotara ti azo ti mara ti Anak.

Josué 21:11

a mu na ala Kiriat-Arba, so a iri ni nga Hebron, na sese ti Juda, ndo so ahoto ayeke daa. Arba ayeke kotara ti azo ti mara ti Anak. A mu na ala gbata ni na ando ti tengo pere so ayeke nduru na ala ndali ti anyama ti ala.

1 Samuel 23:22

Tongaso, ala gue, agi nda ti tënë ni nzoni, ala gi ti hinga mbirimbiri ndo so lo yeke daa; ala gi nga ti hinga zo so abaa ndo so lo yeke daa. Mbi ma a tene, le ti lo akpengba mingi.