1 Samuel 30:25 - Mbeti ti Nzapa - Tënë so amu fini

²⁵ Gi na lango ni so, yanga so David amu aga tongana ndia ndali ti azo ti Israel; ngangu ti ndia so angba laso.

1 Samuel 30:25 ပူးပေါင်းရင်းမြစ်များ

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 30:24

Zo wa laa ayeke yeda ande na tënë ti ala so? Azo so ague ti tiri bira na azo so aduti na tere ti akungba ti bata ni, fade ala kue awara ye legeoko.”

1 Samuel 30:26

So David asi na Siklag awe, lo tokua ambeni ye so ala gbu na peko ti bira so na *akangba ti Juda, ala so ayeke akamarade ti lo; lo tene na ala: “Aye so e gbu na peko ti bira na maboko ti awato ti KOTA GBIA so, ti ala laa.”