1 Samuel 30:21 - Mbeti ti Nzapa - Tënë so amu fini

²¹ David asi nduru na tere ti azo ngbangbo use so lani awoko kue si ala lingbi ti mu peko ti lo pepe si ala ngba na tere ti kete ngu ti Besor so. Azo ni alondo ti ga ti wara David na azo ti lo na lege. David ague nduru na tere ti ala si lo bara ala.

1 Samuel 30:21 ပူးပေါင်းရင်းမြစ်များ

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

Awafango-ngbanga 8:15

Na pekoni, Gédéon ague, abaa azo ti Sukot si lo tene na ala: “Ala he mbi lani atene: ‘Mo zia maboko na ndö ti Zeba na Salmuna awe si mo hunda na e ti mu kobe na azo ti mo so awoko kue awe so?’ Baa, Zeba na Salmuna ni laa mbi ga na ala so!”

1 Samuel 17:18

Mo mu nga fromaze baleoko so mo gue na ni na makonzi so ayeke na li ti aturugu saki oko. Fade mo baa a-ita ti mo, ala yeke kâ tongana nyen? Na pekoni, mo mu mbeni ye ti ala, mo ga na ni na mbi ti fa atene, ala kue ayeke nzoni.

1 Samuel 17:22

David azia akungba ti lo na maboko ti zo ti batango akungba. Na pekoni, lo mu loro lo gue na ndo so aturugu ayeke daa, lo gue, lo bara a-ita ti lo.

1 Samuel 30:10

Azo ngbangbo use awoko kue, ala lingbi ti fâ kete ngu ti Besor pepe si ala ngba na ndo so. David na azo ngbangbo osio laa angba ti tumba peko ti azo ni.

1 Samuel 30:22

Na popo ti azo so amu peko ti David, ambeni zo ti sioni na abuba zo ayeke daa. Ala tene: “Aye so e gbu na peko ti bira so, azo so e na ala, e gue na bira pepe, fade e yeke mu na ala ye oko pepe. Me e yeke mu na ala gi awali ti ala na amolenge ti ala titene ala mu ala ague na ala.”