1 Samuel 30:16 - Mbeti ti Nzapa - Tënë so amu fini

¹⁶ Tongaso zo ti Ezipte so ague na David na ndo so azo ti Amalek ayeke daa. Azo ti Amalek amu ya ti kodro kue, ala yeke te, ala yeke nyon, ala yeke sara matanga na gba ti aye so ala gbu na peko ti bira na kodro ti azo ti Filistii nga na kodro ti Juda.

1 Samuel 30:16 ပူးပေါင်းရင်းမြစ်များ

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

1 Mbai 4:43

Ala fâ tanga ti azo ti mara ti Amalek so akpe, ala sara kodro kâ ngbii asi laso.

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Abia (Psaumes) 119:162

Tere ti mbi anzere ndali ti atënë ti yanga ti mo tongana ti zo so agbu ye na peko ti bira.

Sigingo 32:6

Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Josué 22:8

Lo tene na ala: “Ala mu gba ti mosoro, gba ti nyama, wen ti nginza, lôro, bengba wen, wen na gba ti abongo, ala kiri na ni na ndo ti ala. Ala kangbi aye so ala gbu na peko ti bira na maboko ti awato ti ala so na a-ita ti ala, azo ti Israel.”

Awafango-ngbanga 8:11

Gédéon amu lege so azo ti mbage ti To ayeke mu; lege ni ayeke na To ti Noba na ti Yogboha; lo kinda aturugu ni. Andaa ala baa ti ala fade atene, ani yeke na siriri.

1 Samuel 30:14

E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”

1 Samuel 30:15

David atene na lo: “Mo lingbi ti fa na mbi lege so azo ni ahon daa pepe?” Lo kiri tënë: “Ayeke nzoni mo deba yanga ti mo na iri ti Nzapa so fade mo yeke fâ mbi pepe, mo yeke kiri ti zia mbi na maboko ti wa ti mbi pepe si mbi gue na mo na ndo so bongbi ti azo so ayeke daa.”