1 Samuel 30:15 - Mbeti ti Nzapa - Tënë so amu fini

¹⁵ David atene na lo: “Mo lingbi ti fa na mbi lege so azo ni ahon daa pepe?” Lo kiri tënë: “Ayeke nzoni mo deba yanga ti mo na iri ti Nzapa so fade mo yeke fâ mbi pepe, mo yeke kiri ti zia mbi na maboko ti wa ti mbi pepe si mbi gue na mo na ndo so bongbi ti azo so ayeke daa.”

1 Samuel 30:15 ပူးပေါင်းရင်းမြစ်များ

Tongo nda ti aye 24:3

Mbi ye titene mo deba yanga ti mo na iri ti KOTA GBIA, Nzapa ti yayu na ti sese. Tene na mbi, mo tene, mo yeke mu ande mbeni wali na popo ti amolenge-wali ti azo ti Kanaan so mbi yeke duti na popo ti ala so, ti mu na molenge ti mbi pepe.

Ezekiel 17:13

Na pekoni, lo mu mbeni zo ti sewa ti gbia ni, lo sara *mbuki na lo. Gbia ti Babilone asara si zo ni adeba yanga ti lo ti ngba na peko ti lo. Gbia ni ague na akota zo ti kodro ni na yongoro ndo

Ezekiel 17:16

“Fini ti mbi! So tënë ti yanga ti mbi, Kota Gbia NZAPA laa: Gbia so ayeke kui ande na kodro ti gbia so azia lo na ndö ti mbata ti gbia so. Biani, lo baa dengo ba ti yanga ti lo tongana senge ye, lo buba ya ti mbuki ni. Tongaso, na Babilone, na ndo ti gbia ni laa, gbia ti Israel ayeke kui.

Ezekiel 17:19

“Ndani laa, tënë so mbi Kota Gbia NZAPA, mbi tene ayeke so: Fini ti mbi! Dengo ba ti yanga so lo de lani na dawa ti mbi, lo baa ni tongana mbumbuse ye; tënë ti mbuki ti mbi so lo buba ya ni, ti taa-tënë ni, fade mbi yeke sara titene ngbanga ni ati na li ti lo.

Josué 2:12

Fadeso, ala deba yanga ti ala na mbi na iri ti KOTA GBIA ti sara nzoni na mbi na asewa ti mbi, tongana ti so mbi sara nzoni na ala so. Ala sara mbeni ye ti fa na mbi biani

Josué 9:15

Josué na azo ni aleke tënë ti siriri si ala ga ambuki; lo zia ala si ala ngba na fini. Akota zo ti bongbi ti azo ni adeba yanga ti ala ti bata tënë ti mbuki ni.

Awafango-ngbanga 1:24

Azo ti bembengo ndo ni abaa mbeni koli so alondo na gbata ni ti sigigi. Ala tene na lo: “Fa na e lege so e lingbi ti hon daa si e li na ya ti gbata ni. Fade e yeke sara nzoni be na mo.”

1 Samuel 29:6

Akish airi David si atene na lo: “*KOTA GBIA ayeke na fini! Mbi hinga, mbi tene, mo yeke zo ti mbirimbiri. Mbi ye titene mbi na mo, e gue na bira so, ngbanga ti so ti londo na lango so lani mo ga na ndo ti mbi ngbii asi laso, mbi baa mbeni sioni ye oko pepe so mo sara. Me be ti ambeni makonzi ti Filistii aye mo pepe.

1 Samuel 30:14

E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”

1 Samuel 30:16

Tongaso zo ti Ezipte so ague na David na ndo so azo ti Amalek ayeke daa. Azo ti Amalek amu ya ti kodro kue, ala yeke te, ala yeke nyon, ala yeke sara matanga na gba ti aye so ala gbu na peko ti bira na kodro ti azo ti Filistii nga na kodro ti Juda.