1 Samuel 30:14 - Mbeti ti Nzapa - Tënë so amu fini

¹⁴ E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”

1 Samuel 30:14 ပူးပေါင်းရင်းမြစ်များ

2 Samuel 8:18

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke nga awayango-sandaga.

1 Agbia 1:38

Tongaso, wayango-sandaga Sadok, wayanga-Nzapa Natan na Benaya, molenge ti Yoyada, ala na azo ti Kereti na ti Peleti, aturugu ti batango gbia ague, abaa Salomon. Ala zia lo na ndö ti pâkârâ ti gbia David si ala gue na lo na li ti ngu ti Gihon.

1 Agbia 1:44

Gbia David amu yanga na wayango-sandaga Sadok, wayanga-Nzapa Natan na Benaya, molenge ti Yoyada nga na azo ti Kereti na ti Peleti, aturugu ti batango gbia ti gue ti sara titene Salomon ako na ndö ti pâkârâ ti gbia.

1 Mbai 18:17

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke akota zo na tere ti gbia.

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Sofonii 2:5

Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

Josué 14:13

Josué asara tufa na ndö ti Kaleb, molenge ti Yefune si lo mu na lo gbata ti Hebron titene aga ti lo.

Josué 15:13

Ti Kaleb, molenge ti Yefune, a mu na lo mbeni mbage ti sese ti azo ti Juda, alingbi na yanga so *KOTA GBIA amu na Josué. A mu na lo Kiriat-Arba, wala gbata ti Arba, so a iri ni nga Hebron. Arba ayeke kotara ti azo ti mara ti Anak.

Josué 21:12

Me ayaka na akete kodro so ayeke na tere ti gbata ni, a mu ni na Kaleb, molenge ti Yefune titene aga ti lo.

1 Samuel 25:3

Iri ti koli ni ayeke Nabal; iri ti wali ti lo ayeke Abigail. Wali ni ahinga ndo nzoni si lo pendere mingi. Me koli ni, li ti lo ayeke daa pepe si lo yeke sioni zo. Lo yeke zo ti kete mara ti Kaleb.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.

1 Samuel 30:13

David ahunda lo, atene: “Wa ti mo ayeke zo wa? Mo londo na ndo wa?” Lo kiri tënë: “Mbi yeke zo ti Ezipte, mbi yeke ngbaa ti mbeni zo ti Amalek. Wa ti mbi azia mbi ahon asara laso lango ota, ngbanga ti so tere ti mbi aso.

1 Samuel 30:15

David atene na lo: “Mo lingbi ti fa na mbi lege so azo ni ahon daa pepe?” Lo kiri tënë: “Ayeke nzoni mo deba yanga ti mo na iri ti Nzapa so fade mo yeke fâ mbi pepe, mo yeke kiri ti zia mbi na maboko ti wa ti mbi pepe si mbi gue na mo na ndo so bongbi ti azo so ayeke daa.”

1 Samuel 30:16

Tongaso zo ti Ezipte so ague na David na ndo so azo ti Amalek ayeke daa. Azo ti Amalek amu ya ti kodro kue, ala yeke te, ala yeke nyon, ala yeke sara matanga na gba ti aye so ala gbu na peko ti bira na kodro ti azo ti Filistii nga na kodro ti Juda.