1 Samuel 3:6 - Mbeti ti Nzapa - Tënë so amu fini

⁶ KOTA GBIA akiri airi Samuel ti fani use ni, atene: “Samuel.” Samuel alondo ague na tere ti Heli si atene na lo: “Mbi laa; mo iri mbi?” Heli akiri tënë, atene: “Molenge ti mbi, mbi iri mo pepe; kiri, mo gue, mo lango.”

1 Samuel 3:6 ပူးပေါင်းရင်းမြစ်များ

Tongo nda ti aye 43:29

Joseph ayo le ti lo na nduzu; lo baa ita ti lo Benjamin, so lo na lo mama oko so. Lo hunda ndo, lo tene: “Tanga ti ita ti ala so ala tene tënë ti lo na mbi so laa?” Na pekoni, lo tene: “Ayeke nzoni Nzapa asara nzoni be na mo, molenge ti mbi.”

2 Samuel 18:22

Ahimaas, molenge ti Sadok akiri atene na Yoab: “Samafu! Zia mbi nga, mbi mu loro, mbi gue na peko ti zo ti Etiopii so.” Yoab atene na lo: “Molenge ti mbi, mo ye ti mu loro ti gue ngbanga ti nyen? Mo yeke wara nzoni ye oko pepe na lege ti sango so!”

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

1 Samuel 3:5

Samuel amu loro ague na tere ti Heli si atene na lo: “Mbi laa; mo iri mbi?” Heli akiri tënë: “Mbi iri mo pepe; kiri, mo gue, mo lango.” Samuel ague, alango.

1 Samuel 3:7

Samuel ade ti hinga KOTA GBIA pepe, tënë ti yanga ti KOTA GBIA ade ti si na lo laoko pepe.

1 Samuel 4:16

Koli ni atene na Heli: “Mbi londo na yanga ti bira si mbi ga so. Gi laso laa mbi kpe na yanga ti bira ni si mbi ga so.” Heli ahunda lo, atene: “Molenge ti mbi, nyen laa asi kâ, nyen?”