1 Samuel 3:3 - Mbeti ti Nzapa - Tënë so amu fini

³ Lamba ti ya ti da ti Nzapa ade ti mingo pepe. Samuel ayeke lango na ya ti da ti KOTA GBIA, nduru na ndo so sanduku ti *mbuki ti Nzapa ayeke daa.

1 Samuel 3:3 ပူးပေါင်းရင်းမြစ်များ

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Abia (Psaumes) 29:9

Go ti KOTA GBIA asara si atagba adu amolenge na ngangu; asara si akeke ti gbako atuku kue na sese. Na ya ti kota da ti lo, aye kue ayeke tene: “Gonda!”

Abia (Psaumes) 5:7

Mo yeke fâ azo ti tenengo mvene. KOTA GBIA, be ti mo ake azo ti fango zo na azo ti nzi.

Sigingo 25:31

“Fade ala yeke sara mbeni gere ti alamba na lôro ti nzoni ni so a pika tere ni pikango. Gere ti alamba ni, amaboko ni, akopo ni, akutu ni nga na akongo ni ayeke bongbi kue ti ga gi ye oko.

1 Samuel 1:6

Lakue sambâ ti Anne ayeke zonga lo mingi si ayeke he lo ti zia kamene na le ti lo, ngbanga ti so lo du pepe.

1 Samuel 1:9

So ala te si ala nyon na Silo awe, Anne alondo ague na yanga ti da ti Nzapa. Wayango-sandaga Heli ayeke duti na ndö ti mbata ti lo na yanga ti da ti KOTA GBIA.