1 Samuel 3:20 - Mbeti ti Nzapa - Tënë so amu fini

²⁰ Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.

1 Samuel 3:20 ပူးပေါင်းရင်းမြစ်များ

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

2 Samuel 3:10

KOTA GBIA adeba yanga ti lo atene, fade lo yeke zi kua ti gbia na maboko ti azo ti sewa ti Saul si lo yeke zia David titene lo duti gbia na ndö ti Israel nga na ndö ti Juda, ti londo na Dan ngbii asi na Bersheba.”

Ezekiel 33:33

Tongana aye so mo tene tënë ni asi ande, – aye ni aga nduru ti si, – fade ala yeke hinga atene, mbeni wayanga-Nzapa ayeke lani na popo ti ala.”

Amos 2:11

Na pekoni, mbi soro na popo ti amolenge ti ala ti koli ambeni zo ti ga awayanga-Nzapa; mbi soro na popo ti ala ambeni maseka-koli titene ala deba yanga ti ala ti mu tere ti ala kue na mbi. Ala azo ti Israel, mvene laa mbi tene so? – so tënë ti yanga ti KOTA GBIA laa.

Awatokua 13:20

Ye ni kue asara nduru na ngu ngbangbo osio na baleoku. “Na pekoni, Nzapa amu na ala awafango-ngbanga ngbii asi na ngoi ti wayanga-Nzapa Samuel.

Ndia ti fani use ni 18:21

Fade ala yeke hunda tere ti ala, atene: “Tënë so alondo na KOTA GBIA pepe, fade e yeke hinga ni tongana nyen?”

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

1 Samuel 12:11

Tongaso KOTA GBIA atokua Gédéon, Bedan, Yefte na mbi Samuel ti zi ala na maboko ti awato so angoro ala. Tongaso si ala lingbi ti lango na ya ti kodro ni na siriri.