1 Samuel 3:2 - Mbeti ti Nzapa - Tënë so amu fini

² Na ngoi ni so, le ti Heli ato nda ti vuko, lo yeke baa ndo nzoni pepe. Na mbeni bi, lo lango na ndo so lo yeke lango ka daa so.

1 Samuel 3:2 ပူးပေါင်းရင်းမြစ်များ

Tongo nda ti aye 27:1

Isaac aga mbakoro awe; le ti lo avuko si lo kiri lo baa ndo pepe. Lo iri kozo molenge ti lo Ezau si lo tene na lo: “Molenge ti mbi!” Ezau ayeda, atene: “Mbi laa, babâ.”

Tongo nda ti aye 48:10

Le ti Jacob ayeke baa ndo nzoni pepe, ngbanga ti so lo ga mbakoro awe. Joseph amu amolenge ni, lo ga na ala na lo; Jacob agbu ala na kate ti lo si lo su ngbangba ti ala.

Tongo nda ti aye 48:19

Babâ ti lo ni ake si atene: “Mbi hinga, molenge ti mbi! Mbi hinga! Fade ahale ti Manase ayeke ga kota mara. Lo nga lo yeke ga kota zo. Me ngambe ti lo ayeke ga kota ahon lo. Fade ahale ti ngambe ni ayeke ga amara mingi mingi.”

1 Agbia 14:4

Wali ti Yeroboam asara ye tongaso: lo gue na Silo si lo li na da ti Ahia. Andaa wayanga-Nzapa Ahia aga mbakoro awe, le ti lo avuko, lo lingbi ti baa ndo pepe.

Abia (Psaumes) 90:10

Lango ti fini ti e ayeke si na ngu balembarambara; ti azo so ayeke na ngangu, ayeke si na ngu balemiombe, me ye so e yeke wara daa ayeke pasi na mawa. Ngu ayeke hon hio mingi si e nga, e yeke hon hongo.

Zo ti bongbingo azo 12:3

Na ngoi ni so, fade asanziri so ayeke bata da, tere ti ala ayeke do; azo ti ngangu, peko ti ala aba bango; awali so ayeke nika ale ti kobe ayeke zia ti sara kua ti ala, ngbanga ti so ala yeke mingi pepe; awali so ayeke baa ndo na gigi na le ti fenetere, le ti ala avuko.

1 Samuel 2:22

Heli aga mbakoro mingi. Lo ma tënë ti ye so amolenge ti lo ayeke sara na azo ti Israel kue. Lo ma nga atene, amolenge ti lo ayeke lango na awali so ayeke sara kua na yanga ti da ti bongo so *KOTA GBIA na azo ti lo ayeke wara tere daa.

1 Samuel 4:15

Ngu ti Heli ayeke balegumbaya na miombe. Le ti lo avuko awe si lo yeke baa ndo mbeni pepe.