1 Samuel 3:19 - Mbeti ti Nzapa - Tënë so amu fini

¹⁹ Samuel angba ti kono. KOTA GBIA ayeke na lo. Tongaso, atënë ti KOTA GBIA so kue Samuel atene, peko ni angba senge pepe.

1 Samuel 3:19 ပူးပေါင်းရင်းမြစ်များ

Tongo nda ti aye 21:22

Na ngoi ni so, Abimelek na Pikol, makonzi ti aturugu ti lo, aga atene na Abraham: “Nzapa ayeke na mo na lege ti aye so kue mo yeke sara.

Tongo nda ti aye 28:15

Baa, mbi wani, mbi yeke na mo. Mbi yeke bata mo na ndo so kue mo yeke gue daa si mbi yeke kiri na mo na sese so ge so. Biani, mbi yeke zia mo pepe, ngbii mbi sara ye so mbi tene tënë ni na mo so si.”

Tongo nda ti aye 39:2

*KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so.

Tongo nda ti aye 39:3

Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni.

1 Agbia 8:56

“Mbi mu singila na KOTA GBIA so amu siriri na azo ti lo, azo ti Israel, alingbi na zendo so lo mu. Biani, anzoni tënë so kue lo tene ando na lege ti Moïse, zo ti kua ti lo, mbeni oko angba senge pepe.

2 Agbia 10:10

Ayeke nzoni ala hinga atene, tënë so *KOTA GBIA atene na tere ti azo ti sewa ti Akab, peko ni oko ayeke ngba senge pepe. KOTA GBIA asara ye alingbi na tënë so lo tene lani na lege ti Élie, zo ti kua ti lo.”

2 Agbia 15:12

Nilaa ye ni kue asi alingbi na tënë so KOTA GBIA atene ando na Yehu, atene: “Fade *ahale ti mo ayeke duti na ndö ti mbata ti gbia ti Israel ngbii asi na molongo osio ni.”

2 Agbia 22:16

‘Tënë so KOTA GBIA atene ayeke so: Mbi yeke sara titene sioni kpale aga na ndö ti gbata so nga na ndö ti azo ti gbata ni, alingbi na atënë so kue ayeke na ya ti mbeti so gbia ti Juda adiko so.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 55:11

Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”

Nzoni Tënë so Luc asu na mbeti 1:80

Molenge ni ayeke kono si ndara ti lo ayeke mai. Lo duti na benyama ngbii asi na lango so lo sigigi polele na le ti azo ti Israel.

Nzoni Tënë so Luc asu na mbeti 2:40

Molenge ni akono, lo kpengba; ndara asi singo na lo si Nzapa ayeke sara nzoni be na lo.

Nzoni Tënë so Luc asu na mbeti 2:52

Jésus akono, lo ga kota, lo mai na ndara si lo ga nzoni na le ti Nzapa nga na le ti azo.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Ndia ti fani use ni 18:22

Tongana wayanga-Nzapa ni atene mbeni tënë na iri ti KOTA GBIA si peko ti tënë asi alingbi na ni pepe, wala aga taa-tënë pepe, andaa tënë ti lo ni alondo na KOTA GBIA pepe. Wayanga-Nzapa ni atene tënë ti li ti lo wani. Alingbi ala, azo ti Israel, ala sara mbeto ti wayanga-Nzapa ni pepe!

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Josué 21:45

Tongaso anzoni tënë so kue KOTA GBIA atene ando na azo ti Israel, ye kue asi alingbi na ni; mbeni tënë oko so peko ni angba senge ayeke daa pepe.

Awafango-ngbanga 13:24

Wali ti Manoa adu molenge-koli si lo di iri ti lo Samson. Molenge ni akono, KOTA GBIA asara tufa na ndö ti lo.

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 18:12

Saul asara mbeto ti David, ngbanga ti so Saul ahinga atene, *KOTA GBIA ake lo awe si lo yeke na David.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 18:5

Ndo so kue Saul ayeke tokua David daa ti tiri bira, David ayeke so benda. Saul azia lo na li ti azo ti bira kue. Azo ti kodro kue na azo ti gbe ti Saul aye tënë ti lo.

1 Samuel 2:21

KOTA GBIA aga ti sara nzoni be na Anne si lo du amolenge-koli ota na amolenge-wali use. Ti Samuel, lo yeke kono na le ti KOTA GBIA.

1 Samuel 2:26

Me kete Samuel angba ti kono, lo ga nzoni na le ti KOTA GBIA nga na le ti azo.

1 Samuel 9:6

Zo ti kua ni atene na lo: “Mbeni zo ti Nzapa ayeke na ya ti gbata so. Azo ane lo mingi; tënë so kue lo yeke tene, ye ni ayeke si biani. E gue, e baa lo si. E hinga pepe, fade lo yeke fa na e lege so e lingbi ti mu ni.”