1 Samuel 3:17 - Mbeti ti Nzapa - Tënë so amu fini

¹⁷ Heli ahunda lo, atene: “Tënë ti nyen laa KOTA GBIA atene na mo, nyen? Mo honde mbeni tënë oko na mbi pepe. Tongana mo honde na mbi mbeni tënë oko so lo tene na mo, ayeke nzoni Nzapa asara ye ti ngangu mingi na mo!”

1 Samuel 3:17 ပူးပေါင်းရင်းမြစ်များ

2 Samuel 14:18

Gbia akiri tënë na wali ni: “Mbi yeke hunda na mo mbeni tënë oko; mo yeke kiri tënë na mbi, me mo honde mbeni tënë oko na mbi pepe.” Wali ni atene: “Ayeke nzoni gbia ti mbi atene tënë!”

2 Samuel 19:13

Ala azo ti Juda, ala yeke a-ita ti lo, taa a-ita ti lo. Ala laa alingbi ti duti andangba zo so ayeke mu gbia ti kiri na lo?’

2 Samuel 3:35

Na pekoni, so ndo ade ti vuko pepe, azo ni aga na kobe na David. Me David adeba yanga ti lo, atene: “Tongana lâ ade ti kui pepe si mbi te mbeni ye wala mbeni kobe andu yanga ti mbi, ayeke nzoni Nzapa asara ye ti ngangu mingi na mbi.”

2 Samuel 3:9

Ye so *KOTA GBIA adeba yanga ti lo ti sara na David, tongana mbi sara ni pepe, ayeke nzoni Nzapa asara ye ti ngangu mingi na mbi Abner!

1 Agbia 22:16

Me gbia atene na lo: “Fani oke laa mbi lingbi ti hunda na mo titene mo deba yanga ti mo ti tene na mbi gi taa-tënë na iri ti KOTA GBIA?”

2 Agbia 6:31

Gbia atene: “Laso, tongana li ti Élisée, molenge ti Shafat angba na ndö ti go ti lo, ayeke nzoni Nzapa asara ye ti ngangu mingi na mbi!”

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Jérémie 38:14

Gbia Sedesias atokua mbeni zo ti gue ti ga na wayanga-Nzapa Jérémie; lo na Jérémie awara tere na ota yanga ti kota da ti Nzapa. Gbia atene na Jérémie: “Mbi ye ti hunda na mo mbeni tënë; mo honde ye oko na mbi pepe.”

Jérémie 42:4

Wayanga-Nzapa Jérémie atene na ala: “Mbi ma awe! Fade mbi yeke sambela KOTA GBIA, Nzapa ti ala tongana ti so ala hunda na mbi. Na pekoni, tënë so kue KOTA GBIA ayeke kiri ni na ala, fade mbi yeke fa ni na ala; mbi yeke honde tënë oko na ala pepe.”

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Mishe 2:7

Mo baa ti mo, mo tene, a deba azo ti Israel awe? *KOTA GBIA azia ti kanga be ti lo awe? Lo yeke sara ka ye tongaso?” Ti mbi, tënë ti mbi ayeke sara nzoni na zo so ayeke sara ye mbirimbiri.

Wungo ti azo 23:17

Balaam akiri na tere ti Balak so angba ti luti na tere ti sandaga ti lo, lo na amakonzi ti sese ti Moab kue. Balak ahunda Balaam, atene: “KOTA GBIA atene nyen?”

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Ruth 1:17

Ndo so mo yeke kui ande daa, mbi nga, mbi yeke kui daa si a yeke lu mbi daa. Gi kuâ laa ayeke kangbi popo ti mbi na mo. Tongana mbi hon mbi zia mo, ayeke nzoni KOTA GBIA asara ye ti ngangu mingi na mbi!”

1 Samuel 14:44

Saul atene: “Tongana mo kui pepe, ayeke nzoni Nzapa asara ye ti ngangu mingi na mbi!”

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.

1 Samuel 25:22

Tongaso kekereke na ndaperere, tongana mbi fâ akoli ti da ti Nabal kue pepe, ayeke nzoni Nzapa asara ye ti ngangu mingi na mbi!”

1 Samuel 3:16

Heli airi Samuel si atene na lo: “Samuel, molenge ti mbi.” Samuel ayeda atene: “Mbi laa.”