1 Samuel 3:10 - Mbeti ti Nzapa - Tënë so amu fini

¹⁰ KOTA GBIA aga aluti; lo iri ndo tongana ti kozo, lo tene: “Samuel, Samuel!” Samuel ayeda, atene: “Tene tënë, mbi zo ti kua ti mo mbi ma.”

1 Samuel 3:10 ပူးပေါင်းရင်းမြစ်များ

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.

1 Samuel 3:11

KOTA GBIA atene na Samuel: “Baa, mbi yeke bi mbeni kota kpale na sese ti Israel. Azo so kue ayeke ma tënë ni, fade ayeke toto na mê ti ala tongana sungbango ti bekpa.

1 Samuel 3:15

Samuel angba alango ngbii ndo ahan. Na pekoni, lo zi ayanga ti kota da ti KOTA GBIA. Mbeto asara lo ti tene na Heli peko ti ye so lo baa na ya ti mbeni ye tongana bango-li so.

1 Samuel 3:21

KOTA GBIA angba ti si na Samuel na kodro ti Silo. Kâ laa KOTA GBIA ayeke tene tënë ti lo na Samuel.

1 Samuel 3:8

KOTA GBIA akiri airi Samuel ti fani ota ni. Samuel alondo ague, awara Heli si atene na lo: “Mbi laa; mo iri mbi?” Ti so ni, Heli ahinga atene, KOTA GBIA laa airi molenge so.

1 Samuel 3:9

Heli atene na Samuel: “Kiri, mo gue, mo lango. Tongana a iri mo, fade mo tene: ‘KOTA GBIA, tene tënë, mbi zo ti kua ti mo mbi ma.’ ” Tongaso Samuel akiri ague, alango na ndo so lo yeke lango ka daa.