1 Samuel 3:1 - Mbeti ti Nzapa - Tënë so amu fini

¹ Molenge Samuel ayeke sara kua na *KOTA GBIA na gbe ti Heli. Na ngoi ni so, KOTA GBIA ayeke tene ando tënë na azo mingi mingi pepe; wala ayeke ngangu titene lo fa mbeni ye na zo na ya ti mbeni ye tongana bango-li.

1 Samuel 3:1 ပူးပေါင်းရင်းမြစ်များ

Abia (Psaumes) 74:9

Ye so afa atene, mo yeke na popo ti e, e kiri e baa ni pepe; mbeni wayanga-Nzapa oko ayeke na popo ti e mbeni pepe. Aye ni so ayeke gue ngbii ti hunzi lawa? Na popo ti e, mbeni zo oko ahinga ni pepe.

Amato 29:18

Kodro so wayanga-Nzapa ayeke daa pepe ayeke duti gi na ya ti wusuwusu. Ti lo nzoni, zo so asara ye alingbi na *Ndia!

Ésaïe 13:12

Mbi yeke sara titene warango zo aga ngangu tongana warango lôro ti nzoni ni, wala warango lôro ti Ofir.”

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

1 Samuel 2:11

Na pekoni, Elkana akiri na da ti lo na kodro ti Rama. Ti molenge ni, lo ngba ti lo ti sara kua na KOTA GBIA na gbe ti wayango-sandaga Heli.

1 Samuel 2:18

Me Samuel, so ade molenge ayeke sara kua na le ti Kota Gbia. Lo yu *efod so a sara na *len.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 2:36

Tongana mbeni zo ti sewa ti mo oko angba na fini, fade lo yeke ga ti kuku na gbe ti wayango-sandaga ti hunda na lo kete pata, wala mbeni kete mapa. Fade lo yeke tene na wayango-sandaga ni, lo tene: ‘Mbi gbu gere ti mo, mu na mbi mbeni kua ti wayango-sandaga titene mbi sara si mbi lingbi ti wara mbeni kete kobe ti tengo ni maa!’ ”

1 Samuel 3:15

Samuel angba alango ngbii ndo ahan. Na pekoni, lo zi ayanga ti kota da ti KOTA GBIA. Mbeto asara lo ti tene na Heli peko ti ye so lo baa na ya ti mbeni ye tongana bango-li so.

1 Samuel 3:21

KOTA GBIA angba ti si na Samuel na kodro ti Silo. Kâ laa KOTA GBIA ayeke tene tënë ti lo na Samuel.