1 Samuel 29:3 - Mbeti ti Nzapa - Tënë so amu fini

³ Amakonzi ti aturugu ti Filistii ahunda ndo, atene: “Ahebro so ayeke sara nyen ge?” Akish akiri tënë na ala: “So David laa, zo ti kua ti Saul, gbia ti Israel! A sara ngu oko wala ngu use so lo yeke na ndo ti mbi. Ngbene ye so lo zia wa ti lo si lo ga na ndo ti mbi ngbii asi laso, mbi baa sioni ye oko pepe so lo sara.”

1 Samuel 29:3 ပူးပေါင်းရင်းမြစ်များ

Tongo nda ti aye 14:13

Mbeni zo akpe na maboko ti azo ni si lo ga lo tene tënë ni na Abram, zo ti mara ti Hebro so ayeke duti na ndo so akeke ti shene ti Mamre ayeke daa. Mamre ayeke zo ti mara ti Amori. Lo yeke ita ti Eshekol na Aner. Ala na Abram ayeke *ambuki.

1 Mbai 12:19

Tongaso yingo ti Nzapa agbu Amasai, makonzi ti aturugu ti batango gbia si lo tene: “E yeke ti mo, David; e yeke na mo, molenge ti Yese! Siriri, siriri aduti na mo! Siriri aduti na zo so ayeke mu maboko na mo, ngbanga ti so Nzapa ti mo amu maboko na mo awe.” David ayamba ala si lo zia ala amakonzi ti aturugu ti lo.

1 Mbai 12:20

Ambeni zo ti mara ti Manase amu peko ti David na ndembe so lo na azo ti Filistii ague ti tiri bira na Saul. Me David na azo ti lo amu maboko na azo ti Filistii ni pepe, ngbanga ti so agbia ti azo ti Filistii ama tere si ala tumba David, ala tene: “Gbaa lo yeke kiri na peko ti wa ti lo Saul si lo yeke ka e na lo.”.

Daniel 6:5

Tongaso, tanga ti agbenyogbia use na amakonzi ni agi lege ti hinga sioni so Daniel asara na kodro ni si ala lingbi ti bi tënë na li ti lo. Me ala wara tënë na li ti lo oko pepe, ngbanga ti so Daniel ayeke sara aye ti lo kue na legeni: azo abaa mbeni sioni ye oko so lo sara pepe.

Jean 19:6

So akota wayango-sandaga na aturugu ti kota da ti Nzapa abaa Jésus, ala dekongo, atene: “Fâ lo na ndö ti keke ti kroa! Fâ lo na ndö ti keke ti kroa!” Pilate atene na ala: “Ala wani amu lo, afâ lo na ndö ti keke ti kroa ni. Mbi wara ti mbi mbeni tënë oko pepe ti fâ ngbanga na li ti lo ndali ni.”

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.

1 Samuel 27:1

David atene na be ti lo, atene: “Mbeni lâ, Saul ayeke fâ mbi ande. Mbeni ye nde titene mbi sara ayeke daa pepe. Ayeke nzoni mbi kpe biani biani mbi honde tere ti mbi na ndo ti azo ti Filistii. Tongaso si Saul azia ti tumba peko ti mbi na sese ti Israel si mbi wara lege ti kpe na maboko ti lo.”

1 Samuel 27:7

David asara ngu oko na nze osio na sese ti azo ti Filistii.

1 Samuel 29:6

Akish airi David si atene na lo: “*KOTA GBIA ayeke na fini! Mbi hinga, mbi tene, mo yeke zo ti mbirimbiri. Mbi ye titene mbi na mo, e gue na bira so, ngbanga ti so ti londo na lango so lani mo ga na ndo ti mbi ngbii asi laso, mbi baa mbeni sioni ye oko pepe so mo sara. Me be ti ambeni makonzi ti Filistii aye mo pepe.

1 Samuel 4:6

Azo ti Filistii ama dekongo ni si ala tene: “Nda ti dekongo na ya ti bâbâ ti azo ti Israel so aye ti tene nyen?” Na pekoni, ala hinga atene, sanduku ti mbuki ti KOTA GBIA asi na ya ti bâbâ ti azo ti Israel awe.