1 Samuel 29:10 - Mbeti ti Nzapa - Tënë so amu fini

¹⁰ Tongaso, kekereke na kota ndaperere, fade mo na azo ti kua ti gbia ti mo so amu peko ti mo si aga so, ala londo. Tongana ndo ato nda ti vuru awe, ala mu lege ti kiri na kodro.”

1 Samuel 29:10 ပူးပေါင်းရင်းမြစ်များ

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

1 Mbai 12:19

Tongaso yingo ti Nzapa agbu Amasai, makonzi ti aturugu ti batango gbia si lo tene: “E yeke ti mo, David; e yeke na mo, molenge ti Yese! Siriri, siriri aduti na mo! Siriri aduti na zo so ayeke mu maboko na mo, ngbanga ti so Nzapa ti mo amu maboko na mo awe.” David ayamba ala si lo zia ala amakonzi ti aturugu ti lo.

1 Mbai 12:22

Ala yeke mu maboko na David na li ti aturugu, ngbanga ti so ala kue ayeke akpengba turugu si ala ga amakonzi ti aturugu ti lo.

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Samuel 29:11

David na azo ti lo alondo na kota ndaperere ti kiri na kodro ti azo ti Filistii. Me ti azo ti Filistii, ala gue na Yizreel.