1 Samuel 28:9 - Mbeti ti Nzapa - Tënë so amu fini

⁹ Wali ni atene na lo: “Mo wani, mo hinga kue ye so lani Saul asara: lo kanga lege na azo ti kodro titene ala gue, ahunda yingo ti akuâ wala ti atoro. Mo ye titene mbi ti na ya ti kuku si afâ mbi ngbanga ti nyen?”

1 Samuel 28:9 ပူးပေါင်းရင်းမြစ်များ

2 Samuel 18:13

Tongana mbi tene: mbi ma tënë ni pepe si mbi fâ lo, gbaa fade gbia ayeke ma tënë ti mvene ti mbi, ngbanga ti so mbeni ye ti honde na gbia ayeke daa pepe. Ti mo, mo lingbi fade pepe ti gbu koko ti mbi.”

2 Agbia 5:7

So gbia ahunzi ti diko mbeti ni awe, lo suru bongo na tere ti lo si lo tene: “Mbi yeke Nzapa so alingbi ti sara titene zo akui wala titene zo angba na fini? Gbia ti Sirii atokua na mbi mbeni zo titene mbi zi buruma na tere ti lo! Ala baa awe: so gingo yanga laa!”

Awayango-sandaga 19:31

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

1 Samuel 28:10

Saul adeba yanga ti lo na iri ti KOTA GBIA, atene: “KOTA GBIA ayeke na fini! Tongana mo sara ye ni, mbeni ye oko ti sarango mo ayeke daa pepe.”

1 Samuel 28:3

So Samuel akui, azo ti Israel kue atoto kuâ ti lo si ala lu lo na kodro ti lo, na Rama. Kozoni, Saul akanga lege titene azo ti kodro ti lo ague, ahunda yingo ti akuâ wala ti atoro.