1 Samuel 28:8 - Mbeti ti Nzapa - Tënë so amu fini

⁸ Saul ayu mbeni bongo nde titene azo ahinga lo pepe si lo na azo use ague. Ala si na ndo ti wali ni na bi. Saul atene na wali ni: “Iri na mbi yingo ti mbeni kuâ, lo so fade mbi yeke fa iri ti lo na mo.”

1 Samuel 28:8 ပူးပေါင်းရင်းမြစ်များ

1 Agbia 22:30

Gbia ti Israel atene na Yosafat: “Mbi yeke yu mbeni bongo nde titene azo ahinga mbi pepe si mbi gue na bira ni. Ti mo, mo yu bongo ti mo ti gbia.” Tongaso gbia ti Israel ayu mbeni bongo nde titene azo ahinga lo pepe si lo gue na bira ni.

1 Agbia 22:34

Me mbeni turugu ti Sirii apika le ti kokora ti lo kirikiri tongaso, le ti kokora ni ague, akpo gbia ti Israel na ndo so awen ti kazaka ti lo ti bira atengbi tere daa. Gbia atene na zo ti kpengo na pusu ti mbarata ti lo, atene: “Mo turne li ti pusu ti mbarata ni na peko, mo sigigi na mbi na ya ti bira ni, ngbanga ti so mbi wara ka awe.”

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

2 Mbai 18:29

Gbia ti Israel atene na Yosafat: “Mbi yeke yu mbeni bongo nde titene azo ahinga mbi pepe si mbi gue na bira ni. Ti mo, mo yu bongo ti mo ti gbia.” Tongaso gbia ti Israel ayu mbeni bongo nde titene azo ahinga lo pepe si ala use kue ague na bira ni.

2 Mbai 35:22

Me Yosias aye gi ti tiri bira na Neko. Tënë so Nzapa azia na yanga ti Neko si lo tene so, Yosias ama ni pepe. Tongaso, lo zi bongo ti lo si lo yu mbeni nde titene azo ahinga lo pepe si lo gue ti tiri bira na popo-hoto ti Megido.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Ezekiel 12:6

Na le ti azo kue, mo yeke yo akungba ni na ndö ti go ti mo, mo sigigi na ni na bi. Mo yeke bi bongo na le ti mo si mo baa kodro ni pepe. Biani, mbi sara si mo ga ye so ayeke fa ye so ayeke si na azo ti Israel.”

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.