1 Samuel 28:7 - Mbeti ti Nzapa - Tënë so amu fini

⁷ Saul atene na aturugu ti lo ti kota kamba, atene: “Ala gi na mbi mbeni wali so ayeke hunda yingo ti akuâ titene mbi gue, mbi baa lo.” Aturugu ni atene na lo: “Mbeni wali so ayeke hunda yingo ti akuâ ayeke na kodro ti En-Dor.”

1 Samuel 28:7 ပူးပေါင်းရင်းမြစ်များ

2 Agbia 6:33

So tënë angba gi na yanga ti Élisée, mo ye ti baa watokua ni asi, lo tene: “Asioni ye so kue asi na e so alondo na *KOTA GBIA! Nyen laa mbi yeke kiri ti zia be ti mbi ti ku na mbage ti KOTA GBIA, nyen?”

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Awayango-sandaga 19:31

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Awatokua 16:16

Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Ndia ti fani use ni 18:11

azo ti kangango zo na yoro, wala ambeni mara ti azo ti sarango tënë na atoro.

Josué 17:11

Na sese ti Isakar na ti Aser, a mu na azo ti mara ti Manase Bet-Shean na Ibleam nga na akete kete kodro so ayeke na tere ni. A mu nga na ala Dor, En-Dor, Taanak, Megido na azo ti agbata ni nga na akete kete kodro so ayeke na tere ni, so ti tene lando ti Dor.

1 Samuel 28:3

So Samuel akui, azo ti Israel kue atoto kuâ ti lo si ala lu lo na kodro ti lo, na Rama. Kozoni, Saul akanga lege titene azo ti kodro ti lo ague, ahunda yingo ti akuâ wala ti atoro.