1 Samuel 28:6 - Mbeti ti Nzapa - Tënë so amu fini

⁶ Lo hunda *KOTA GBIA, me KOTA GBIA akiri tënë na lo pepe, ataa na lege ti bango-li, wala na lege ti ye so a iri ni Urim wala na lege ti awayanga-Nzapa.

1 Samuel 28:6 ပူးပေါင်းရင်းမြစ်များ

2 Samuel 22:42

Ala yeke dekongo, me zo oko ti mu maboko na ala ayeke daa pepe; ala yeke dekongo na KOTA GBIA, me lo kiri tënë na ala pepe.

Abia (Psaumes) 74:9

Ye so afa atene, mo yeke na popo ti e, e kiri e baa ni pepe; mbeni wayanga-Nzapa oko ayeke na popo ti e mbeni pepe. Aye ni so ayeke gue ngbii ti hunzi lawa? Na popo ti e, mbeni zo oko ahinga ni pepe.

Sigingo 28:20

Na osio molongo ni, ala yeke zia krizolite, kornaline na zaspe. Ala yeke zia têne oko oko na ya ti kadere so a sara na lôro.

Sigingo 28:30

Ti mo Moïse, fade mo yeke zia na ya ti bozo ti fango ngbanga ni Urim na Tumim. Tongaso aye ni ayeke duti na kate ti Aaron na ndembe so lo yeke ga na dawa ti mbi. Biani, Aaron ayeke yu aye so lakue na kate ti lo na ndembe so lo yeke ga na dawa ti mbi, tongaso si lo lingbi ti hinga ye so be ti mbi aye na mbage ti azo ti Israel.”

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Awayango-sandaga 8:8

Lo zia na ndö ti kate ti Aaron bozo so lo zia Urim na Tumim daa.

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Jean 9:31

E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

Ndia ti fani use ni 33:8

Ndali ti mara ti Lévi, Moïse atene: “KOTA GBIA, lani Urim na Tumim ayeke ti azo ti mara ti Lévi so ayeke taa azo ti kua ti mo; azo ti mo so mo tara be ti ala lani na Masa si mo gi tënë na ala na ngu ti Meriba so.

Jacques 4:3

Tongana ala hunda mbeni ye, ala yeke wara ni pepe, ngbanga ti so ala hunda na legeni pepe, me ala hunda ni ti buba gi na lege ti anzara ti be ti ala.

1 Samuel 14:37

Saul ahunda Nzapa, atene: “Ayeke nzoni mbi gue, mbi tiri bira na azo ti Filistii? Fade mo yeke zia ala na maboko ti azo ti Israel?” Na lango ni so, Nzapa akiri tënë na lo pepe.

1 Samuel 28:15

Samuel atene na Saul: “Mbi lango ti mbi awe! Mo so li ti mbi ti iri mbi ngbanga ti nyen?” Saul atene: “Be ti mbi afun kue. Azo ti Filistii ayeke tiri bira na mbi si Nzapa azia mbi awe. Lo ke ti kiri tënë na mbi na lege ti awayanga-Nzapa, wala na lege ti bango-li. Nilaa mbi iri mo titene mo fa na mbi ye so mbi lingbi ti sara.”

1 Samuel 28:5

Tongana Saul abaa bâbâ ti azo ti Filistii, mbeto asara lo mingi si tere ti lo ado mingi.