1 Samuel 28:4 - Mbeti ti Nzapa - Tënë so amu fini

⁴ Azo ti Filistii abongbi aturugu ti ala si ala gue, asara bâbâ ti ala na gbata ti Shunem. Saul abongbi aturugu ti Israel kue si ala sara ti ala bâbâ ni na Gilboa.

1 Samuel 28:4 ပူးပေါင်းရင်းမြစ်များ

2 Samuel 1:21

Ahoto ti Gilboa, ayeke nzoni ngu ti pere na ngu-Nzapa atuku na ndö ti ala pepe! Ayeke nzoni sese ti ala akiri adu akobe pepe! Biani, na ndo so laa a bi buba na tere ti akpengba zo ti bira; na ndo so laa akpaka mafuta pepe na tere ti *vala ti Saul.

2 Samuel 1:6

Maseka-koli ni atene: “Mbi yeke luti na li ti hoto ti Gilboa; mbi ye ti baa, mbi baa Saul aba na ndö ti likongo ti lo. Apusu ti mbarata na azo ti kpengo na ambarata aga nduru nduru na lo.

2 Samuel 21:12

Tongaso, David ague na ndo ti azo ti Yabesh, na sese ti Galaad titene lo ro abio ti Saul na ti molenge ti lo Jonatan. Biani, na ndembe so lani azo ti Filistii akinda Saul na hoto ti Gilboa, ala kanga kuâ ti lo na ti Jonatan na tere ti gbagba ti Bet-Shean. Kâ laa azo ti Yabesh aga anzi kuâ ti Saul na ti Jonatan.

1 Agbia 1:3

Tongaso, ala gi na ya ti kodro ti Israel kue mbeni pendere maseka-wali; ala wara Abishag, zo ti kete kodro ti Shunem. Ala mu lo, ala ga na lo na gbia.

2 Agbia 4:8

Mbeni lâ, Élisée ahon na kete gbata ti Shunem. Kâ, mbeni wali ti mosoro ahunda mingi na Élisée ti gue ti te kobe na da ti lo. Ti to nda ni na lango ni so, lakue tongana Élisée ayeke hon na ya ti kodro ni, lo yeke gue ti te kobe na da ti wali ni.

Josué 19:18

Na sese ti ala, mo yeke wara agbata tongana: Yizreel, Kesulot, Shunem,

1 Samuel 28:5

Tongana Saul abaa bâbâ ti azo ti Filistii, mbeto asara lo mingi si tere ti lo ado mingi.

1 Samuel 31:1

Azo ti Filistii ayeke tiri bira na azo ti Israel. Azo ti Israel akpe na dawa ti azo ti Filistii si a fâ ala mingi na hoto ti Gilboa.

1 Samuel 31:8

Na ndade ni, azo ti Filistii aga ti nzi aye ti azo so akui so. Ala wara kuâ ti Saul na ti amolenge ti lo ota so ayeke lango na sese, na hoto ti Gilboa.