1 Samuel 28:23 - Mbeti ti Nzapa - Tënë so amu fini

²³ Saul ake atene: “Mbi yeke te ye pepe.” Me azo ti kua ti lo na wali ni aso li ti lo si lo ma tënë ti ala. Lo londo na sese si lo duti na ndö ti gbogbo.

1 Samuel 28:23 ပူးပေါင်းရင်းမြစ်များ

1 Agbia 21:4

Akab akiri na da, na sukungo ngbangba nga na ngonzo, ngbanga ti tënë so Nabot, zo ti gbata ti Yizreel atene na lo so: “Yaka ti *vinye so akotara ti mbi azia na mbi si aga ti mbi so, fade mbi yeke mu ni na mo pepe.” Lo gue, lo lango na ndö ti gbogbo ti lo, lo zia le ti lo na mbage ti dere ti da si lo ke ti te kobe.

2 Agbia 4:8

Mbeni lâ, Élisée ahon na kete gbata ti Shunem. Kâ, mbeni wali ti mosoro ahunda mingi na Élisée ti gue ti te kobe na da ti lo. Ti to nda ni na lango ni so, lakue tongana Élisée ayeke hon na ya ti kodro ni, lo yeke gue ti te kobe na da ti wali ni.

2 Agbia 5:13

Azo ti kua ti lo aga nduru na tere ti lo si ala tene na lo: “Kota zo, tongana wayanga-Nzapa ahunda fade na mo ti sara mbeni ye ti ngangu, ka mo sara ni pepe? So lo tene na mo: ‘Mo sukula tere ti mo si fade tere ti mo aga *nzoni so, mo ke ngbanga ti nyen?’ ”

Esther 1:6

A leke ya ti yangbo ni na apendere vuru bongo ti *len nga na kua ti tere ti taba so nzoroko ni akpa le ti nduzu. A kanga abongo ni na nduzu na kamba ti bongo so abe bengo; a kanga ni na tere ti *kati so a sara ni na wen ti nginza si a kanga ni na tere ti angbongboro yongoro gere ti da ni so a sara ni na têne ti marbre. A leke apendere kota ngende ti tengo kobe so ayeke na lôro nga na wen ti nginza. Sese ti yangbo ni ayeke na têne so abe bengo, mbeni avuru vurungo, mbeni ayeke za zango si mbeni avuko vukongo.

Amato 25:20

Hengo bia na mê ti zo so be ti lo ayeke na vundu ayeke tongana ti so zo azi bongo na tere ti lo na ngoi ti de, wala tongana ti so zo azia kpingo vin na le ti ka.

Ezekiel 23:41

Na pekoni, ala duti na ndö ti apendere gbogbo. Ala leke meza na dawa ti gbogbo ni, ala zia dukani na mafuta ti mbi na ndö ti meza ni.

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Nzoni Tënë so Luc asu na mbeti 24:29

Me ala gbanzi lo, atene: “Mo ngba na e ge, ngbanga ti so lâ aga nduru ti kui si ndo ato nda ti vuko.” Lo li na ya ti da si lo ngba na ala.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

1 Samuel 28:22

Fadeso, ayeke nzoni mo ma nga tënë ti mbi si. Mo zia mbi ga na mo kete kobe mo te si mo wara ngangu ti tambula na lege.”