1 Samuel 28:21 - Mbeti ti Nzapa - Tënë so amu fini

²¹ Wali ni aga nduru na tere ti Saul si lo baa so mbeto ahon ndö ti Saul mingi. Lo tene na Saul: “Mbi zo ti kua ti mo, mbi ma yanga ti mo awe. Mbi ka yingo si mbi sara ye alingbi na tënë so mo tene na mbi.

1 Samuel 28:21 ပူးပေါင်းရင်းမြစ်များ

2 Agbia 6:11

Li ti gbia ti Sirii akpe kue ndali ti ye so asi so. Lo bongbi aturugu ti lo ti kota kamba si lo tene na ala: “Mbeni zo na popo ti e ayeke ka e na gbia ti Israel! Ala ye ti fa zo ni na mbi pepe?”

Mbeti ti Job 13:14

Ye so kue aye ti si, mbi yeke ku ni kungo, mbi ye ti ka tere ti mbi na kuâ.

Awafango-ngbanga 12:3

So mbi baa mbi tene, ala ga ti soo mbi pepe, mbi ka tere ti mbi na kuâ, mbi gue, mbi sara bira na azo ti Amon si *KOTA GBIA azia ala na maboko ti mbi. Ngbanga ti nyen si ala ga fadeso ti tiri bira na mbi?”

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”

1 Samuel 28:20

Gi so Saul ama tënë so Samuel atene so, mbeto asara lo mingi. Lo ti, lo lango na sese, ngangu ti lo awoko kue, ngbanga ti so na kota lâ kue, na bi kue, lo te ye oko pepe.

1 Samuel 28:22

Fadeso, ayeke nzoni mo ma nga tënë ti mbi si. Mo zia mbi ga na mo kete kobe mo te si mo wara ngangu ti tambula na lege.”