1 Samuel 27:8 - Mbeti ti Nzapa - Tënë so amu fini

⁸ David na azo ti lo alondo na Siklag si ala gue ti tiri bira na azo ti Geshur, azo ti Girzi nga na azo ti Amalek. Azo ni so alango na kodro ni ngbene ye aninga, ti londo na mbage ti Shur ngbii asi na yanga ti kodro ti Ezipte.

1 Samuel 27:8 ပူးပေါင်းရင်းမြစ်များ

2 Samuel 14:23

Yoab amu lege ague na Geshur. Lo mu Absalom, lo kiri na lo na Jérusalem.

2 Samuel 14:32

Absalom akiri tënë: “Ala bi wâ daa, ngbanga ti so mbi iri mo ti tokua mo na ndo ti gbia, me mo ke ti ga. Mbi ye fade titene mo gue, mo tene na gbia, mo tene: ‘Mbi londo na Geshur, mbi kiri ge ngbanga ti nyen? Ayeke fade nzoni titene mbi ngba kâ.’ Fadeso mbi ye ti gue na dawa ti gbia. Tongana mbi sara mbeni ye ti sioni, ayeke nzoni lo mu yanga titene a fâ mbi!”

2 Samuel 15:8

Biani, na ndembe so lani mbi yeke na Geshur, na sese ti Sirii, mbi deba yanga ti mbi, mbi tene: ‘Tongana KOTA GBIA akiri na mbi na Jérusalem, mbi yeke mu na lo *asandaga.’ ”

2 Samuel 3:22

Kete na pekoni, Yoab na aturugu ti David alondo na bira si ala kiri. Ala ga na aye mingi so ala gbu na peko ti bira. Abner ayeke na Hebron na tere ti David mbeni pepe, ngbanga ti so David azia lege na lo si lo kiri na siriri.

2 Samuel 3:3

Use molenge ni ayeke Kilab; mama ti lo ayeke Abigail, wali-mua ti Nabal, zo ti kodro ti Karmel. Ota molenge ni ayeke Absalom; mama ti lo ayeke Maaka, molenge ti Talmai, gbia ti Geshur.

2 Samuel 8:12

azo ti Sirii, ti Moab, ti Amon, ti Filistii na ti Amalek, nga na ambeni ye so lo gbu na peko ti bira na maboko ti Hadadezer, molenge ti Rehob, gbia ti Soba.

1 Mbai 2:23

Me agbia ti agbata ti Geshur na ti Aram amu akodro ti Yair nga na gbata ti Kenat na akete kodro so ayeke na tere ni. Wungo ti akodro ni kue ayeke baleomene. Azo so kue ayeke lango na ya ti akodro ni so ayeke *ahale ti Makir, babâ ti Galaad.

Sigingo 15:22

Moïse amu yanga na azo ti Israel si ala londo na tere ti kota ngu-ingo ti Asosongo ti hon. Ala mu lege so ague na benyama ti Shur. Ala tambula lango ota na benyama, ala wara ngu pepe.

Sigingo 17:8

Azo ti mara ti Amalek aga ti tiri bira na azo ti Israel na Refidim.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Wungo ti azo 14:45

Nilaa azo ti mara ti Amalek na azo ti Kanaan so alango na ndö ti ahoto ni so azu, ala tiri bira na azo ti Israel, ala nika ala ngbii asi na Horma.

Josué 12:5

Lo yeke le-gbia na ndö ti sese so ayeke na ndö ti hoto ti Hermon, na ndö ti Salka nga na ndö ti Bashan kue, ngbii asi na katikati ti sese ti azo ti mara ti Geshur na ti azo ti mara ti Maaka; lo yeke le-gbia nga na ndö ti ndambo ti sese ti Galaad ngbii asi na sese ti gbia Sihon, gbia ti Heshebon.

Josué 13:13

Me azo ti Israel atumba azo ti mara ti Geshur na ti Maaka pepe. Azo ti Geshur na azo ti Maaka angba ti lango na popo ti azo ti Israel ngbii asi laso.

Josué 13:2

Baa, tanga ti asese so angba ayeke so: sese kue ti azo ti Filistii na sese kue ti azo ti Geshur.

Josué 16:10

Azo ti mara ti Efraim atumba azo ti Kanaan so ayeke lango na Gezer so pepe. Ala ngba ti lango na popo ti azo ti mara ti Efraim ngbii asi laso. Me azo ti mara ti Efraim amu na ala akua ti ngbaa titene ala sara ni.

Awafango-ngbanga 1:29

Mara ti Efraim atumba azo ti Kanaan pepe; ala so ayeke lango na Gezer angba ti lango na popo ti azo ti mara ti Efraim.

1 Samuel 29:6

Akish airi David si atene na lo: “*KOTA GBIA ayeke na fini! Mbi hinga, mbi tene, mo yeke zo ti mbirimbiri. Mbi ye titene mbi na mo, e gue na bira so, ngbanga ti so ti londo na lango so lani mo ga na ndo ti mbi ngbii asi laso, mbi baa mbeni sioni ye oko pepe so mo sara. Me be ti ambeni makonzi ti Filistii aye mo pepe.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.