1 Samuel 27:4 - Mbeti ti Nzapa - Tënë so amu fini

⁴ So Saul ama a tene, David akpe ahonde tere ti lo na Gat, Saul azia ti tumba peko ti lo.

1 Samuel 27:4 ပူးပေါင်းရင်းမြစ်များ

2 Samuel 15:18

Aturugu kue ti gbia atambula na gbe ti le ti lo: ala ti Kereti na ti Peleti, na aturugu ti Gat so wungo ti ala ngbangbo omene so amu lani peko ti David, ala yeke tambula na gbe ti le ti lo.

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”

1 Samuel 27:3

David na azo ti lo angba na Gat na tere ti Akish, zo oko oko na asewa ti lo na tere ti lo. David na awali ti lo use na tere ti lo: Ahinoam, zo ti Israel na Abigail, so lani koli ti lo Nabal akui na Karmel so.

1 Samuel 27:5

David atene na Akish: “Tongana mo ye mbi, ayeke nzoni mo mu na mbi mbeni ndo na kete kodro titene mbi duti daa. Mbi zo ti kua ti mo, mbi duti na tere ti mo na ya ti gbata ti gbia ngbanga ti nyen?”