1 Samuel 27:10 - Mbeti ti Nzapa - Tënë so amu fini

¹⁰ Tongana Akish ahunda lo, atene: “Laso ala tiri bira na ndo wa?” David akiri tënë: “Laso e tiri bira na mbage ti Mbongo ti Juda wala na mbage ti Mbongo ti azo ti mara ti Yerameli nga na mbage ti Mbongo ti azo ti mara ti Keni.”

1 Samuel 27:10 ပူးပေါင်းရင်းမြစ်များ

Tongo nda ti aye 27:24

lo hunda lo: “Taa mo molenge ti mbi Ezau laa?” Jacob akiri tënë, atene: “Mbi laa.”

2 Samuel 17:20

Azo so Absalom atokua ala ali na da ti wali ni si ala hunda lo, atene: “Ahimaas na Jonatan ayeke na ndo wa?” Wali ni akiri tënë na ala: “Ala fâ ngu awe.” Azo ti tokua ni agi ala gbaa si ala kiri na Jérusalem.

1 Mbai 2:25

Kozo molenge ti Hesron ti koli ayeke Yerameel. Yerameel adu kozo molenge ti lo so ayeke Ram, na pekoni lo du Buna, Oren, Osem na Ahia.

1 Mbai 2:9

Amolenge ti Hesron ayeke Yerameel, Ram na Kaleb so mbeni iri ti lo ayeke Kelubai.

Abia (Psaumes) 119:163

Mbi ke tënë ti mvene, ayeke sioni mingi na le ti mbi, me ndia ti mo laa mbi ye.

Abia (Psaumes) 119:29

Bata mbi si mbi mu lege ti tenengo mvene pepe; na lege ti nzoni be ti mo, fa na mbi ndia ti mo.

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Wungo ti azo 24:21

Na pekoni, Balaam abaa azo ti mara ti Keni si lo diko bia so, lo tene: “Ala, azo ti mara ti Keni, ala yeke duti na siriri na ya ti kodro ti ala tongana da ti ndeke so a zia na ndö ti mbeni kota têne.

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Awafango-ngbanga 1:16

Babâ ti wali ti Moïse ayeke zo ti mara ti Keni. *Ahale ti lo na azo ti mara ti Juda alondo na gbata ti Amburu si ague na benyama ti Juda so ayeke na Mbongo ti sese ti Arad. Ala gue, asara kodro na popo ti azo ti Amalek.

Awafango-ngbanga 4:11

Heber, zo ti kete mara ti Keni akangbi na azo ti mara ti lo, azo ti sewa ti Hobab, kogara ti Moïse. Heber ague, aleke da ti lo ti bongo nduru na kodro ti Kedesh, na gbe ti kota keke ti shene ti kodro ti Saananim.

Awafango-ngbanga 5:24

E gonda Yael, wali ti Heber, zo ti mara ti Keni! E gonda lo na popo ti awali so kue ayeke lango na ya ti da ti bongo!

1 Samuel 15:6

Saul atene na azo ti Keni: “Ala ngba na popo ti azo ti Amalek pepe; ala londo na tere ti ala ahon yongoro. Mbi ye titene mbi fâ ala na azo ti Amalek kue pepe, ngbanga ti so na ngoi so amolenge ti Israel alondo ando na sese ti Ezipte ti sigigi so, ala, azo ti Keni asara nzoni na ala.” Tongaso, azo ti Keni alondo na tere ti azo ti Amalek ahon.

1 Samuel 21:2

David asi na kodro ti Nob, na ndo ti wayango-sandaga Ahimelek. Tere ti lo ayeke do dongo si lo ga ti wara David na lege. Lo hunda David: “Mo ga gi mo oko ngbanga ti nyen? Mbeni zo ayeke na tere ti mo pepe ngbanga ti nyen?”

1 Samuel 23:27

Mo ye ti baa, mbeni zo ti tokua aga atene na Saul, atene: “Mo ga hio si. Azo ti Filistii alondo na bira na kodro ni.”

1 Samuel 27:11

David afâ azo kue; lo ye titene a zia mbeni koli wala mbeni wali angba na fini pepe si a ga na lo na Gat pepe, ngbanga ti so lo tene na be ti lo, lo tene: “Tongana e ga na mbeni zo, fade lo yeke sigigi na nda ti e. Fade zo ni atene: ‘Baa, ye so David asara laa.’ ” Na ya ti ngoi so kue lo lango na sese ti azo ti Filistii, aye so lo sara laa.

1 Samuel 29:8

David atene na Akish: “Nyen laa mbi sara? Ti londo na lango so mbi ga na ndo ti mo ngbii asi laso, sioni ti nyen laa mbi sara si mo baa? Akiri asara tongana nyen si mbi gue pepe ti tiri bira na awato ti mo, gbia ti mbi so?”

1 Samuel 30:29

ala ti Rakal, ala ti agbata ti azo ti Yerameli, ala ti azo ti mara ti Keni,