1 Samuel 27:1 - Mbeti ti Nzapa - Tënë so amu fini

¹ David atene na be ti lo, atene: “Mbeni lâ, Saul ayeke fâ mbi ande. Mbeni ye nde titene mbi sara ayeke daa pepe. Ayeke nzoni mbi kpe biani biani mbi honde tere ti mbi na ndo ti azo ti Filistii. Tongaso si Saul azia ti tumba peko ti mbi na sese ti Israel si mbi wara lege ti kpe na maboko ti lo.”

1 Samuel 27:1 ပူးပေါင်းရင်းမြစ်များ

1 Agbia 12:26

Yeroboam atene na be ti lo, atene: “Tongana ye ni angba tongaso, gbaa fade kodro ni ayeke kiri na maboko ti azo ti sewa ti David.

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

1 Agbia 19:3

Mbeto agbu Élie si lo kpe, lo gue na mbeni ndo titene lo soo fini ti lo. Lo si na Bersheba, na sese ti Juda si lo zia zo ti kua ti lo kâ.

2 Mbai 25:17

Amasia, gbia ti Juda ahunda wango na ambeni zo si lo tokua azo ti tene na Yoas, molenge ti Yoakaz, molenge ti Yehu, gbia ti Israel, atene: “Ga, mbi na mo, e tengbi tere, e baa!”

Abia (Psaumes) 116:11

Li ti mbi aga kirikiri si mbi tene: “Azo kue ayeke azo ti mvene.”

Abia (Psaumes) 55:7

Nilaa mbi tene: “Tongana *kpangi ti mbi ayeke fade daa tongana ti mbipa, ka mbi huru ti wara mbeni ndo ti wu tere ti mbi daa.

Sigingo 14:12

So e de na Ezipte so, e tene lani na mo, e tene: ‘Zia e duti kpoo, e sara kua na azo ti Ezipte ma! Ti sara kua na ala ayeke nzoni ahon titene e kui na benyama.’ ”

Amato 13:12

Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Matthieu 14:31

Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Marc 4:40

Na pekoni, Jésus atene na adisiple ti lo: “Mbeto asara ala ngbanga ti nyen? Ala de ti duti na mabe pepe?”

2 Korente 7:5

Biani, na ngoi so e si na Masedoane, e wara lege ti wu tere ti e pepe, me e baa amara ti pasi kue: azo atiri na e, mbeto ayeke na ya ti e.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”

1 Samuel 22:5

Wayanga-Nzapa Gad atene na David: “Ngba ti honde tere ti mo na ndo so pepe. Sigigi mo gue na sese ti Juda.” Nilaa David alondo ague na ya ti gbako ti Heret.

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”

1 Samuel 25:30

Tongana KOTA GBIA asara anzoni ye so kue lo tene tënë ni na mo awe, fade lo yeke zia mo makonzi na ndö ti Israel.

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’

1 Samuel 29:2

Agbia ti azo ti Filistii ayeke tambula na dawa ti aturugu ngbangbo oko wala saki oko, na molongo na molongo. David na azo ti lo ayeke tambula ti ala na peko, ala na gbia Akish.

1 Samuel 29:3

Amakonzi ti aturugu ti Filistii ahunda ndo, atene: “Ahebro so ayeke sara nyen ge?” Akish akiri tënë na ala: “So David laa, zo ti kua ti Saul, gbia ti Israel! A sara ngu oko wala ngu use so lo yeke na ndo ti mbi. Ngbene ye so lo zia wa ti lo si lo ga na ndo ti mbi ngbii asi laso, mbi baa sioni ye oko pepe so lo sara.”