1 Samuel 26:8 - Mbeti ti Nzapa - Tënë so amu fini

⁸ Abishai atene na David: “Laso Nzapa azia wato ti mo na maboko ti mo awe. Tongana mo ye mbi kpo lo na likongo, mbi pete lo na sese. Mbi ye ti kpo lo gi fani oko awe.”

1 Samuel 26:8 ပူးပေါင်းရင်းမြစ်များ

2 Samuel 16:9

Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Jérémie 40:15

Andaa Yohanan aga lani abaa Gedalia na hondengo ni na gbata ti Mispa si atene na lo: “Mbi gbu gere ti mo, zia na mbi lege titene mbi gue, mbi fâ Ismael, molenge ti Netania. Fade zo oko ayeke ma tënë ni pepe. Mo ye titene lo fâ mo ngbanga ti nyen? Tongana lo fâ mo, azo ti Juda so kue abongbi na tere ti mo, fade ala yeke kiri ti kangbi kirikiri si tanga ti azo ti Juda so angba, fade ala yeke kui!”

Nahum 1:9

Ala azo, nyen laa ala yeke leke na be ti ala na tere ti *KOTA GBIA so nyen? Lo yeke hunzi awato ti ala kue si mbeni ye ti ngangu ayeke kiri ti si na ala, azo ti Juda pepe.

Rome 11:32

Biani, Nzapa asara si azo kue aga azo ti kanga ndali ti kengo yanga, tongaso si lo baa mawa ti azo kue.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Awafango-ngbanga 1:4

Azo ti mara ti Juda na ti Siméon alondo na bira na tere ti azo ti Kanaan nga na azo ti Perizi. KOTA GBIA azia azo ni na maboko ti ala; ala fâ azo saki baleoko na gbata ti Bezek.

1 Samuel 23:14

David angba na benyama ti Zif. Lo lango na ya ti du ti têne, na ndö ti ahoto, na ya ti benyama. Saul angba lakue ti gi lo, me Nzapa azia lo na maboko ti Saul pepe.

1 Samuel 24:4

Saul asi na gbagba ti ataba so ayeke na yanga ti lege. Mbeni du ti têne ayeke kâ. Saul ali na ya ni ti sara puru. Andaa David na azo ti lo ayeke na ngbonda ti du ti têne ni.

1 Samuel 24:5

Azo ti David atene na lo: “Lango so *KOTA GBIA atene na mo, atene: ‘Mbi yeke zia wato ti mo na maboko ti mo titene mo sara na lo ye so be ti mo aye so, lango ni alingbi awe.’ ” David alondo si lo fâ yanga ti kota bongo ti Saul gi yeke.

1 Samuel 26:23

Fade KOTA GBIA ayeke sara na zo oko oko alingbi na mbirimbiri ye nga na nzoni ye so lo sara. Laso, KOTA GBIA azia mo na maboko ti mbi si mbi ke ti sara sioni na zo so KOTA GBIA atuku mafuta na li ti lo titene lo ga gbia so.

1 Samuel 26:7

David na Abishai alondo na bi ni, ala gue, asi na tere ti aturugu ni. Baa, Saul ayeke lango ti lo taa gi na ya ti bâbâ ni. Lo kpo likongo ti lo na sese, nduru na mbage ti li ti lo. Abner na aturugu ni ayeke lango na tere ti lo angoro lo.

1 Samuel 26:9

Me David atene na Abishai: “Fâ lo pepe. Zo so *KOTA GBIA atuku mafuta na li ti lo awe so, tongana mbeni zo afâ lo, fade a yeke zia zo ni senge?”