1 Samuel 26:6 - Mbeti ti Nzapa - Tënë so amu fini

⁶ David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”

1 Samuel 26:6 ပူးပေါင်းရင်းမြစ်များ

Tongo nda ti aye 10:15

Kanaan adu kozo molenge ti lo Sidon. Na pekoni, lo du Het.

Tongo nda ti aye 15:20

ti Het, ti Perizi, ti Refa,

Tongo nda ti aye 23:3

Na pekoni, Abraham alondo na ndo so kuâ ti wali ti lo ayeke daa si lo gue, lo tene na azo ti mara ti Het, lo tene:

Tongo nda ti aye 26:34

Ezau ayeke na ngu baleosio si lo mu Yehudit, molenge ti Beeri, zo ti mara ti Het, na Basmat, molenge ti Elon, zo ti mara ti Het, titene ala ga awali ti lo.

2 Samuel 11:21

Zo wa laa afâ Abimelek, molenge ti Yerubaal so? Ayeke mbeni wali pepe? Wali ni abi kota têne na li ti gbagba, ati na ndö ti lo si lo kui na gbata ti Tebes! Ala gue nduru na tere ti gbagba ni ngbanga ti nyen?’ Tongana gbia atene na mo tongaso, fade mo yeke tene na lo, mo tene: ‘Turugu ti mo ti kota kamba Urii, zo ti mara ti Het nga akui.’ ”

2 Samuel 11:24

Azo ti pikango kokora aluti na li ti gbagba ni si ala pika le ti kokora na ndö ti azo ti mo. Gi tongaso laa ambeni turugu ti mo ti kota kamba akui; Urii, zo ti mara ti Het nga akui.”

2 Samuel 11:6

Tongaso, David atokua ndo na Yoab, atene: “Tokua na mbi Urii, zo ti mara ti Het.” Yoab atokua lo na David.

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

2 Samuel 18:5

Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

2 Samuel 2:13

Yoab, so iri ti mama ti lo ayeke Seruya na aturugu ti David, ala nga alondo ti gue ti tiri bira. Abongbi ti aturugu use so kue awara tere nduru na ndo so a yeke bata ngu daa na Gabaon. Aturugu ti Abner aluti na mbage, ala ti Yoab aluti na mbeni mbage.

2 Samuel 2:18

Yoab, Abishai na Asael, so iri ti mama ti ala ayeke Seruya ayeke lani kâ. Gere ti Asael ayapu na loro tongana ti dengbe.

2 Samuel 23:18

Abishai, ita ti Yoab, so iri ti mama ti lo ayeke Seruya, lo yeke na popo ti aturugu ti batango gbia. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

2 Samuel 23:34

Elifelet, molenge ti Ahasbai, molenge ti mbeni zo ti Maaka; Eliam, molenge ti Ahitofel, zo ti kodro ti Gilo;

2 Samuel 23:39

na Urii, zo ti mara ti Het. Wungo ti ala kue ayeke baleota na mbarambara.

1 Agbia 10:29

Pusu ti bira oko so a mu na Ezipte si a ga ni, ngere ni ayeke ale ti nginza ngbangbo omene; mbarata oko, ngere ni ayeke ale ti nginza ngbangbo oko na baleoku. Azo ti dengo buze ni ayeke ga nga na ni ti ka na agbia ti mara ti Het kue nga na agbia ti sese ti Sirii.

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.

1 Samuel 26:7

David na Abishai alondo na bi ni, ala gue, asi na tere ti aturugu ni. Baa, Saul ayeke lango ti lo taa gi na ya ti bâbâ ni. Lo kpo likongo ti lo na sese, nduru na mbage ti li ti lo. Abner na aturugu ni ayeke lango na tere ti lo angoro lo.