1 Samuel 26:5 - Mbeti ti Nzapa - Tënë so amu fini

⁵ David alondo ague, asi na ndo so Saul asara bâbâ ti lo daa. Lo baa ndo so Saul na Abner, molenge ti Ner, makonzi ti aturugu ayeke lango daa. Saul alango taa gi na ya ti bâbâ ni si aturugu ti lo ayeke lango na tere ti lo, angoro lo.

1 Samuel 26:5 ပူးပေါင်းရင်းမြစ်များ

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

1 Mbai 9:39

Ner adu Kish, Kish adu Saul, Saul adu Jonatan, Malkishua, Abinadab na Ishebaal.

1 Samuel 17:20

David alondo na kota ndaperere, lo zia anyama ti lo na mbeni zo ti bata ni; lo mu kungba ti lo si lo gue tongana ti so babâ ti lo amu yanga na lo. Gi so lo yeke si na ya ti bâbâ tongaso, andaa aturugu aleke tere ti ala kue ti tiri bira si ala yeke dekongo ti bira.

1 Samuel 17:55

So Saul abaa David amu lege ti gue ti tiri bira na zo ti Filistii so, lo hunda Abner, makonzi ti aturugu, lo tene: “Abner, babâ ti molenge-koli so ayeke zo wa?” Abner akiri tënë: “Gbia, mo laa mo ngba na fini le ti mo so, mbi hinga ye oko daa pepe.”

1 Samuel 26:4

Lo tokua ambeni zo ti *bembe ndo. Tongaso lo hinga so Saul asi biani.

1 Samuel 9:1

Mbeni koli ti mara ti Benjamin ayeke daa; iri ti lo ayeke Kish. Lo yeke molenge ti Abiel, Abiel ayeke molenge ti Seror, Seror ayeke molenge ti Bekorat, Bekorat ayeke molenge ti Afia. Kish ayeke zo ti mosoro;