1 Samuel 26:24 - Mbeti ti Nzapa - Tënë so amu fini

²⁴ Tongana fini ti mo aga mbeni kota ye na le ti mbi laso, ayeke nzoni fini ti mbi aga nga mbeni kota ye na le ti KOTA GBIA si lo soo mbi na ya ti ye ti ngangu kue.”

1 Samuel 26:24 ပူးပေါင်းရင်းမြစ်များ

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

2 Samuel 4:9

David akiri tënë na Rekab nga na ita ti lo Baana, amolenge ti Rimon, atene: “KOTA GBIA ayeke na fini, lo so lo zi mbi na ya ti kuâ!

Abia (Psaumes) 144:2

Lo yeke *mbuki ti mbi, lo yeke tongana ngangu gbagba na tere ti mbi, lo yeke ngangu gbagba so mbi kpe daa ti honde tere ti mbi, lo yeke wasongo mbi, lo yeke *vala ti mbi; mbi honde tere ti mbi nduru na lo. Lo laa lo zia azo ti mbi na gbe ti komandema ti mbi.

Abia (Psaumes) 18:1

Bia so ayeke ndali ti makonzi-bia. Bia ti David, zo ti kua ti *KOTA GBIA. Lo he bia so na ngoi so KOTA GBIA azi lo na maboko ti awato ti lo kue, nga na maboko ti Saul.

Abia (Psaumes) 18:25

KOTA GBIA akiri nzoni na mbi, ngbanga ti so sarango ye ti mbi ayeke mbirimbiri, lo kiri nzoni na mbi, ngbanga ti so lo baa so maboko ti mbi avuru.

Abia (Psaumes) 18:48

Nzapa so ayeke mu lege na mbi ti kiri na awato ti mbi peko ti sioni so ala sara na mbi, lo yeke zia amara na gbe ti komandema ti mbi.

Abia (Psaumes) 34:20

Aye ti sioni mingi ayeke si na zo ti mbirimbiri, me KOTA GBIA ayeke zi lo lakue na ya ni.

Abia (Psaumes) 54:7

Ayeke nzoni lo kiri sioni na azo so ahonde tere ti ala ti sara sioni na mbi so. Na lege ti nzoni be ti mo, mo hunzi ala kue.

Matthieu 5:7

Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

2 Tesalonike 3:2

Ala sambela nga si Nzapa azi e na maboko ti azo ti kirikiri na azo ti sioni. Biani, azo kue laa ama na be pepe.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”

1 Samuel 18:30

Amakonzi ti aturugu ti Filistii ague ti tiri bira na azo ti Israel. Na ya ti abira ni oko oko kue, David laa ayeke so benda ahon aturugu ti kota kamba ti Saul kue; nilaa iri ti lo awu mingi.

1 Samuel 24:16

KOTA GBIA laa ayeke fâ ande ngbanga na popo ti mbi na mo. Lo yeke baa ya ti tënë so nzoni, lo yeke gbu koko ti mbi, lo yeke fâ ya ti ngbanga so si lo yeke zi mbi na maboko ti mo.”