1 Samuel 26:19 - Mbeti ti Nzapa - Tënë so amu fini

¹⁹ Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’

1 Samuel 26:19 ပူးပေါင်းရင်းမြစ်များ

Tongo nda ti aye 44:18

Juda ague nduru na tere ti Joseph si lo tene na lo: “Kota zo, mbi gbu gere ti mo, zia mbi, zo ti gbe ti mo, mbi tene mbeni tënë, mo ma. Zia ngonzo ti mo alondo ngangu na tere ti mbi pepe, ngbanga ti so mo yeke tongana Faraon.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

2 Samuel 14:16

Fade gbia ayeke yeda ti soo mbi na molenge ti mbi na maboko ti zo so aye ti zi e na popo ti azo so Nzapa asoro ala.’

2 Samuel 16:10

Me gbia atene: “Abishai, mo na ita ti mo Yoab, ti ala na mbi nyen? Tongana lo deba mbi, e hinga pepe, KOTA GBIA laa amu yanga na lo ti deba mbi. Zo wa laa alingbi ti tene na lo, atene: ‘Mo sara tongaso ngbanga ti nyen?’ ”

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Samuel 20:19

Na sese ti Israel kue, gbata ti e ayeke oko ti agbata so siriri ayeke daa si ayeke sara ye na legeni. Me ti mo, mo ye ti gi lege ti buba gbata so azo ayeke ne ni mingi na sese ti Israel! Ye so ayeke ti *KOTA GBIA, mo ye ti buba ni ngbanga ti nyen?”

2 Samuel 21:3

David ahunda ala, atene: “Nyen laa mbi lingbi ti sara ndali ti ala, nyen? Mbi lingbi ti sara nyen ti leke na sioni so azo asara na ala, tongaso si ala wara lege ti sara tufa na ndö ti azo ti KOTA GBIA?”

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

1 Mbai 21:1

Mbeni lâ, Satan alondo ti sara ye ti sioni na azo ti Israel; lo pusu David titene lo diko wungo ti azo ti Israel.

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Abia (Psaumes) 20:4

Ayeke nzoni lo dabe ti lo na asandaga so kue mo mu na lo; ayeke nzoni lo yeda na asandaga ti mo so a gbi ni kue na wâ. Luti kete

Amato 30:10

“Mo tene mvene na iri ti mbeni zo ti kua na le ti wa ti lo pepe; tongaso pepe, fade lo yeke deba mo si tënë ni aga na li ti mo.

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Wungo ti azo 36:7

Tongaso, sese ti azo ti Israel alingbi ti londo pepe na mbeni mara ti gue na mbeni mara nde. Alingbi zo ti Israel oko oko angba gi na sese so ayeke ti mara ti babâ ti lo.

Wungo ti azo 36:9

Tongaso, sese ti mbeni mara alingbi ti londo pepe ti gue na mbeni mara nde. Alingbi mara ti Israel oko oko angba gi na sese ti lo wani.”

Rome 14:15

Tongana mba ti mo awara vundu ndali ti mbeni kobe so mo yeke te, so afa atene, mo sara ye na lege ti ndoye pepe. Zo so Christ akui ndali ti lo, alingbi mo buba lege ti lo ndali ti tënë ti kobe pepe!

Galasii 5:12

Azo so ayeke buba li ti ala so, ayeke nzoni ala fâ gi ganza pepe, me ala ga *ambaiwa ma!

Ndia ti fani use ni 13:3

Tongana ye ti kpene ni na ye ti dongo be ni asi alingbi na tënë so lo tene, tongana lo tene na ala: “E mu peko ti ambeni nzapa nde, e voro ala”; – andaa ayeke anzapa so ala hinga ala pepe –

2 Timothée 4:14

Alexandre, zo ti pikango ndao asara sioni na mbi mingi; fade *Kota Gbia ayeke kiri na lo peko ti aye so lo sara.

1 Samuel 18:10

Lango oko na pekoni, Nzapa atokua sioni yingo na tere ti Saul si lo yeke diko atënë kirikiri na ya ti da ti lo. David apika kundi ti lo tongana ti so lo sara kozo, Saul ayeke na likongo ti lo na maboko ti lo.

1 Samuel 24:9

Na pekoni, David alondo na ya ti du ti têne ni asigigi si lo dekongo na peko ti Saul, atene: “Gbia, kota zo ti mbi.” Saul abaa ndo na peko ti lo. David akuku akpo li ti lo na sese.

1 Samuel 25:24

Na pekoni, lo ti, lo gbu gere ti David si lo tene: “Babâ, mbi laa mbi sara sioni. Mo zia lege na mbi, zo ti kua ti mo ti tene tënë na mê ti mo. Ma tënë ti mbi si.

1 Samuel 27:1

David atene na be ti lo, atene: “Mbeni lâ, Saul ayeke fâ mbi ande. Mbeni ye nde titene mbi sara ayeke daa pepe. Ayeke nzoni mbi kpe biani biani mbi honde tere ti mbi na ndo ti azo ti Filistii. Tongaso si Saul azia ti tumba peko ti mbi na sese ti Israel si mbi wara lege ti kpe na maboko ti lo.”